جاني خبر هز جسمي وحرك شعوره .. علم ٍ سمعته وانا اطالع بالاخباري
علم ٍ " بالاخبار " فجر داخلي ثوره .. خلاني ابكي واجاري ليلي الساري
موتت " امير ٍ " مع الحكام اسطوره .. اصل الكرم والفخر والكل به داري
شيخ ٍ تخطى خطى جابر ودستوره .. يتبعه شعب الكويت بطيب واجباري
من بعده " الدار " حزنانه ! ومهجوره .. كن الفرح بالبلد ماعاد له طاري
يابو فهد والشعر خط ٍ على سطوره .. دعوه الى الله من دمعي على اشعاري
يالله يا مستجير الناس والجوره .. يا ناصر الدين وساتر عورة العاري
ترحمه وتحسب جميع اخطاه مغفوره .. وانت الغفور الرحيم الناصر الباري
وتكفيه شر المسيح وتبعد اشروره .. وتسكنه في جنة ٍ فيها النهر جاري
يالله !! دعوه تهز الجسم وشعوره .. من بعد موت الامير الدمع اخباري !!
فهد الجبلي
|