تبي تعرف غلاك اللي سكن في خافقي بسكات
تعال وحس بشعوري وتعرف ويـن منزالـك
احبـك ايـه احبـك وابادلـك الغـلا بالـذات
ملكت القلب بلحالك وصـار القلـب مدهالـك
انا من قبل احبك كنت صعب وقاسي وهيهـات
واقول انك تبـي تملـك خفوقـي ذا تهيالـك
اراجع نفسي بنفسي وافكر بك عشـر مـرات
ولكن المشاعر؟ عاندتنـي وتطلـب وصالـك
يفوح المسك من ورد المشاعر والغلا ما مات
جذوره قلب وعروقه سهم في عرقهـا سالـك
غلاانااا راقيٍ فالنايفـه عـن هفـوه وزلاات
رقيت بعـرش خفّـاقٍ ملكتـه جعـل يهنالـك
الا ياكثـر حسـادك بحبـي تشعـل الفتنـات
والا يا كثر حسـادي ولا احـدٍ بينهـم طالـك
تناديني من الضيقه واجيـك ابـدد الضيقـات
البي مطلبك من قبـل يفـزع عمـك وخالـك
الا يا حبي الحاضر والا يا حبـي اللـي فـات
تفيخر بي وانا افخر بك عسى فال السعد فالك
ظروف الوقت؟ والصدفه تراها في غرامك جات
وصرت بقلبك لحالي .. وصرت بقلبي لحالـك
|