|
مدامني مثل السما وانته نجوم.....مالي حلا لاصرت غايب ياخلي
لكم القصيده المتواضعه
أسأل عليك ومانسيتك ولا يوم وإن ماسألت أسأل على منهو قلي مدامني مثل السما وانته نجوم مالي حلا لاصرت غايب ياخلي أشتاقلك وأحتاجلك دايم الدوم أتخيلك تمشي معي مثل ظلي حتى وانا في لحظة الحلم والنوم لاشفت طيفك قمت أرحب وأهلي الحال من بعدك هواجيس وهموم ليتك دريت بغيبتك وش حصلي عايش مثل عيشة فقيرٍ ومحروم دايم وانا في جلستي مستقلي ولا كما فارس شديدٍ وشغموم للسيف في وجه الأعادي يسلي فجأه ؟ لقى نفسه جريحٍ ومهزوم خانوا به العدوان وهوه يصلي جيتك سواة الطير عاجز عن الحوم لقيت تحت إغصونك الخضر ضلي ماكنت متوقع صدودك بلا لوم وأكبر دليل إني حسبته ... تغلي ياليتني ظالم وحضرتك مظلوم وارتاح من تفكيري وأهجع محلي أسأل عليك ولانسيتك ولايوم حسبي عليك الله , فيما حصلي وسلامتكم |
.
. . الله الله الله الله يا سلام يا سلام يالمبدع ! :) خابر رأيي فيك مبطي وانت رائع ولك مستقبل ! سجلني احد معجبينك والى الامام دوما ً !! ومدامني مثل السما وانته نجوم مالي حلا لاصرت غايب ياخلي ومدامني مثل السما وانته نجوم مالي حلا لاصرت غايب ياخلي اللـــــــــــــــــــــــــه ! |
الله يسلمك يافهد
وشاكرلك علي مرورك الكريم ولاتحرمنا من طله الحلوه |
|
صح بدنج وشكرا علي كلامج الجميل وشكرا علي المرور |
فجاه لقى نفسه جريح ومهزوم
خانوا به العدوان وهو يصلي جيتك سواه الطير عاجز عن الحوم لقيت تحت غصونك الخضر ضلي صح لسانك الله عليك صور جميله وهم فراق وعتاب ومعاني جزله من شاعر جزل ابداع...... |
هالله هالله يافواز انا قلتلك اول استمر في مجال اشعر انت مستشعر وكذا افكارك الشعريه مشاءالله عليك عيني عليك بارده لو تصير شاعر وش تبي تسوي اجل خخخخخخخ
صح السانك طال عمرك ومافيك حيله |
ماكنت متوقع صدودك بلا لوم
وأكبر دليل إني حسبته ... تغلي ياليتني ظالم وحضرتك مظلوم وارتاح من تفكيري وأهجع محلي الله عليك يافواز يسلم احساسك على القصيده الرائعه..صح لسانك.:) |
صح بدنك وشكرا اخي العزيز علي مرورك الطيف ولاتحرمنا من نصائحك وجهة نظرك وشكرا لك |
حييييييييياك الله يا ابو عبدالله مثل ماقلت لاتقوف استمر وهذه انا مستمر من اجل ابداع شعري وان شاء الله اجيب لكم الجزل وصح بدنك وحياك الله ولاتحرمنا من مرورك |
| الساعة الآن 05:54 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
