|
مجارات لـ (دمعة ناقه)
مسائكم صباحكم !!!فرح!!! متواضعتي بين يديكم رد على الشاعرة : دمعة ناقه
ياعبقر الجن والميدان ميداني=وجنون شعري اسرحها وضويها لادق هاجوس بالي جيت من داني=اناطح الروس ماحسب تواليها شاعر ولي هيبتي ولساني إحصاني=وصعب رموز المعاني ملتفت فيها معي عصى موسى وخاتم سليماني=وبالفتل والنقض مانجهل معانيها لني اعد الشعر واحد من "اخواني"=ومايرتكي للحموله غير راعيها ياهاجسي والقصيد اشكال ولواني=السرمديه نبا "ياخوك" نسريها جيتك من أشباح حزني شخص طرباني=واعي لوني باكحلها وباعميها وانا وانا كان هجرس فكر شيطاني=ضوامي الشعرانا ألهداج بحديها لافتر حبل الدلي وضرس له الساني=راكيب الهم من لحزان نرويها وانا محرك هجوسي وهز كتماني=إلا بيوتن تزلزل قلب قاريها قريتها وقمة اغنيها بللحاني=يالين نفس العنى بانت خوافيها لو قيل ياشاعر الجن انت غلطاني=بجاري ابيوت دمعه في قوافيها مو لنها ابيات جزله وذوقها ثاني=ومو لنها سهله ونقدر نجاريها لا والذي لهول اسمه ترقع الجاني=لنها من احساس دمعه ومن محانيها حسيت فيها النقا والشوق متفاني=وحسيت ماضهر عواطفها وداعيها كلمها العذب سهرني وبكاني=ورست هواجيس فكري في شواطيها وشوقن خذاها بعيد قريب وداني=وصوره بكت منها امسيت اراعيها مجاه من عشقته ياسامعي جاني=والعين ماتبكي إلا شوف غاليها مودتي أخوكم:شاعر الجن |
الله الله قصيده جزله من راس جزل
معـي عصـى مـوسـى وخـاتـم سليمـانـي وبالفـتـل والـنـقـض مانـجـهـل معانـيـهـا عزالله انك ملكته صح السانك ولآخلآ ولآ عدم |
الأخ : محمد الحصيني
مرورك .. محفز للإبداع :) شاكر لك الإطراء .. اتمنى استحق الإطراء صح بدنك .. منور بالحضور لاعدمناك |
شاعر الجن
صح لسانك يالغالي تقبل تقديري وودي ... |
الله الله
ياسلام عليك روعتني ياشاعر الجن ههههه ماشالله عليك مبدع وداش بقوه الله يتمم عليك وتستاهل دمعه اللي يجاريها ويرد عليها<<<<ياهي بتطير من الفرحه الوكاد يالغالي انك مشرف ونتمنى بالفعل استمراريتك في هالمنتدى صح لسانك ألف تحياتي بن معرقب |
يا مرحبا يا شاعر الجن !!
طلعت منت بهين والله :) صح السانك مليوون ولاهنت يالشاعر ! |
ههههههههههههههه
انا موبس طرت من الفرحه انا طرت ولا وقعت ههههههههههههه صح الله السانك ياشاعر الجن والجنيات :) وربي انها قصيده قمة فالروعه ومؤثره ايضا وربي دمعت عيني تدري ليــــــــه لانك حسيت بأحساس القصيده بغض النظر عنها ان كانت جزله او لا ولكن ان الاحساس وصل وانا ماكتبتها من فراغ لان فعلا هي اثرت فيني كفكره وكتبتها وعزالله انك شاعر خطير ياشاعر الجن واتمنى لك دائما تشرفنا بقصائدك فالمنتدى اما بالنسبه لهذا البيت حسـيـت فيـهـا النـقـا والـشـوق متفـانـي وحسيـت ماضهـر عواطفـهـا وداعيـهـا <<< وانا اقول اشهد ان احساسك صادق اما هذا البيت من شدة روعته تمنيت لوني انا كاتبته مـجـاه مــن عشقـتـه ياسامـعـي جـانــي والعـيـن ماتـبـكـي إلا شـــوف غالـيـهـا عزاااااااااااااااااه وصح الله السانك مدد بلا عدد ولايكفون ولاهنت ياشاعر الجن عالكلام الطيب الي يدل عن طيب راعيـــــــه |
ول ول منت بيسـط يا راعي الجـــــــــــــن
صـح لسـانك مـليون ولا يكفووووون :) |
شاعر الجن صح لسانك كفيت ووفيت يالجزل
|
[color=#333333]بسم الله للذي لايضر مع اسمه شي ..!!
الكلام .. يسمو للمقام .. ولاكنه لايجرء على .. مقابلة كلامكم بالمثل لإنكم مبدعين في الرد .. اسمحولي أكتب مابداخلي .. شكراً لكم على كل حرف كتبتموه من أجلي فأنا لا استحق كل هذا بقرارت نفسي لأنني .. لسة بشاعر ولاكن مستشعر بالختام ... انا اهنئ نفسي بكم وبتواصلكم المحفز للإبداع ...[/color] شكراً للتواصل :عود الليل شكراً للتواصل :بن معرقب شكراً للتواصل :فهد الجبلي شكراً للتواصل :دمعة ناقه شكراً للتواصل : ملكع شكراً للتواصل :احمد ابو سعيده شكراً للتواصل : للقراء شكراً للتواصل :شكراً لك ياضيف المستقبل |
| الساعة الآن 11:38 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
