|
استفسار عن الصلب بالصمان
السلام عليكم ورحمة الله
اكيد العنوان ملفت للانظار على العموم. استفساري ضروري ومهم عن الصلب الموقع المعروف بالصمان هل هو لمطير او للعجمان وهل توجد فيه هجر وقرى . واكون شاكر لكم . |
وعليكم السلام ورحمة الله وبركاته اخوي قلب الذئب سؤالك يا الغالي مثل ما قلت مهم وانا اذكر في بعض الايام دار هذا الموضوع عند الشيبان لكن ما اذكر وش رسو عليه نسأل الشيبان ونفيدك بإذن الله شاكرلك |
أخي العزيز قلب الذئب بعد الرجوع الى المصادر والاطلاع <<<<<قصده الشيبان فقد قال الشاعر/ حنيف بن سعيدان لا قيل وين مطير واخفن الارماس ** بالصلب بين محقبه والهابه وهذا البيت يدل ان الصلب لمطير واللهابه لمطسر ومحقبه لمطير بل أغلب الصمان الصمان ولربما لقبيلة العجمان صلب ولكن ليس الصلب المذكور لعلي افدتك بما تحصلنا عليه والله العالم تحياتي |
اولآ الله يعطيك العافيه ومشكور ، ومعنى كلامك ان الصلب واقع بين محقبه واللهابه.
|
كلام بدر ابو عجره ممتاز ومثل ماقال الشاعر / حنيف ابن سعيدان
لاقيل وين امطير وخفن الارماس = بالصلب بين محقبه والهابه كلام واضح ولاهي للعجمان لمطير |
كما قال بدر ابو عجرئ
وشكرا ... |
وانا اقول بيض الله وجيهك على الافادة ولا خلا ولا عدم . تحياتي
|
يقول زيد ابن غيام الجبلي رحمه الله
وهو شاعر غني عن التعريف : يامل قلب عذبه كثر الأنواع يبي الطمع مير الطمع يخلف الطوع والله يالولا زرفلة شقح الأقطاع وآقول اباخذ لي مع البدو قرطوع لاصير في قصر لاروع ولاروع لاهالك ظامي ولاميت جوع مار البلا وان طاح بالصلب رماع وشدوا له الجبلان مع بينة الشوع تلقى لهم من عند ابا القد مرماع ماعبروا في عرفج الشق مقطوع حزم غدا لقليقلانه تمرياع والرمث ينبت في مذاريه طالوع في مربع وان جاه راع الغنم ضاع تلقى الجوازي خنس فيه ورتوع وأحب هد الطير والطرش منداع شرق من المجذم شمال من الكوع الى حصل صفق الحباري مع القاع والله ماغبط اللي يصوع الذهب صوع تحياتي |
صباح الخير تصحيح لبو عجرى البيت يقول لاقيل وين مطير واخفن الارماس الراس بين محقبه واللهابه ويقصد بالراس الدوشان لان بيتك ياخوي يجمع كل مطير بالصلب ومطير وانا اخوك من البحر الى البحر ماهي محشووره بالصلب مع احترامي لك وللشايب الي عطاك البيت وهذا الخطا شائع صححنا يابو عجرى ولاتحرص على الكتابه :)) |
لاقيل وين مطير واخفن الارمان الراس بين محقبه واللهابه
؟؟؟؟؟؟؟ لن نفهم منك اي شي يا نواف حاول اذا قمت بالتصحيح ان تكتب الصحيح وتكون الفكره واضحه للقارئ وشكراً |
| الساعة الآن 12:36 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
