القاب لبعض شعراء مطير قديمآ وحاليآ .
 

بسم الله الرحمن الرحيم

السلام عليكم ورحمة الله وبركاته

احب في هذا الموضوع ان انقل اليكم القاب وكنى لشعراء من مطير قديمآ وحديثآ وهي متعارف بها لدى عشاقهم (( وصراحه مالقيت الا المنتدى التاريخي اضع الموضوع فيه )) :


1ـ شاعر الدوشان : دعسان بن حطاب الدويش رحمه الله . وله :

حنا هل الشيخه وما من مهازي @@ معنا شويخات القبايل تلزي .

2ـ ربع مطير : حنيف بن سعيدان السعدوني الصعيري اطلقه عليه الشيخ : فيصل بن سلطان الدويش رحمهما الله . له :

ياشيخنا مالك حلي مع النـــاس @@ كونك صباح وكون غيرك نهابه

كونك كبير ومنه الأجناب تقتاس @@ اليا واجه الطرقي الأخر حكابه


3ـ ابولحم : لقب للشاعر رباح المهلكي رحمه الله من بني عبدالله .وله :

والكيف مايصلح لطير الحميميق @@ اللي جناحينه تصافق جنوبه


4ـ المحسول : لقب للشاعر مفتن الظويفري رحمه الله من بني عبدالله وهو صاحب البيت الشهير :

حنا الاد عباد ماحنا بعيش ميدوم @@ واللي تعرفون حنا عارفينه

5ـ المذرع : لقب للشاعر عادي بن دخيل الله الشثيلي من الصعران وقد اطلق على والده دخيل الله واشتهروا فيه ولعادي قصيدة يرثي حنيف بت سعيدان اولها :

ياليت قبر حنيف بين المشاليف @@ عليه طرش مطير يرعى الوسومي

ياحنيف يومنك تحب السواليف @@ تعال يمه كان تحرز تقومـــــــــــي

حيث ان الشاعر حنيف دفن بالشمال من المملكه رحمهما الله وجمعهما بجنات النعيم.

6ـ شاعر غطفان : لقب للشاعر هايف بن نعيم البديري من ذوي عون رحمه الله وله ملحمه في قبيلته منها :

مـدحــي لربعي صــح ماهو بتضـليــلل @@ الضــد حمــران النواظــر كعــامــــه

متورثيــن الطيـب جيــل بعـد جيـــل @@ كــل ارجــح متورثـــه من عمـامـــه

خضنـا المعارك خوضــة الرجـل بالســيل @@ شــجعان ما تمشــي علينا المــلامـــه

تاريخنـا اوضـح من الجـدي وســـهيل @@ في ليلة ما بالســـماء من غمــامــه

مطيــر تعـرف من عصـور الجـواهيــل @@ يـوم ان كــل نجــدته من حـــزامــه

ومن شعراء النظم والمحاورة المعاصرين :

7ـ البستان (( بستان الشعر )) : الشاعر الكبير : محمد بن خلف الخس من علوى اطلقه عليه الملك عبدالعزيز رحمه الله وهو شاعر غني عن التعريف .

8ـ شاعر الصعران :الشاعر الكبير : معجب بن شرعان العبداني الصعيري وله قصائد معروفه برده على احد الشعراء وهو مظلوم اعلاميآ .

9ـ شاعر الصمان : الشاعر الكبير : خالد بن محيسن الحميداني وسبب اللقب حين سمع قصيدة لشاعر عن الصمان من غير قبيلة مطير ومن قول الشاعر خالد حين رد عليه :

خلها تبرق على الصمان وتسيل المسيله @@ من سكنها من رعاها من حماها غير حنا .

10ـ شاعر الجيلين : الشاعر الكبير : فيحان بن صالح القعياني من الشلالحه شاعر محاورة ونظم كبير .

11ـ اخودعجه : الشاعر الكبير : عبدالله بن عبيد العير رحمه الله من شعراء المحاورة الرائعين وله قصائد رائعه .

12ـ سوار الذهب : الشاعر الكبير : عبدالله بن غازي الميزاني من كبار شعراء المحاورة وله قصائد رائعه ومن المظلومين اعلاميآ .

13ـ الداب الأسود : الشاعر الكبير : سعيد القحم الميزاني من عمالقة المحاورة .

14ـ تركي2000 (( شاعر الجماهير )) : الشاعر الكبير : تركي بن عطاالله الميزاني من العمالقة بالمحاورة . والنظم .

15ـ الطوفان (( طوفان الشعر )) : الشاعر الكبير : لفى بن لافي الهفتاء صاحب الملحمه الأدبية المعروفه من كبار شعراء النظم ..

16ـ شاعر ال1000 بيت : الشاعر الكبير : بدر بن غازي الشاطري من كبار شعراء النظم .


طبعآ شعراء مطير ماشاء الله تبارك الله كثر ومعروفين ومن لديه اضافه فليتفضل مشكورآ

بيض الله وجهك

ياقلب الذئب


بس فيه شاعر نسيت لقبه هو شاعر خليف بن دواس .

وراعي البلها شاعر محمد بن سرور .

وعلى الهجله

بس أنا والله ناسي اللقب حقتهم .



تقبل مروري

أخوك

هشام الظويفري

قـلب الذئب لاهنت يالقرم على الموضوع افدتنا الله يعطيك العافيه...

قلب الذيب

لاهنت يالغالي على افادتك المفيده جدا والجديده

تحياتي

بن معرقب

قلب الذئب يعطيك العافيه على الموضوع

قلب الذئب

يعطيك العافية على الموضوع الرائع

عن شعارنا شعار مطير