::منتدى الجبلان الرسمي:: - الشيخ حسين بن عليق الدويش وزوجته شاهه العتيبيه

بسم الله الرحمن الرحيم

شاهه العبدالله من قبيلة عتيبة من اهل الزلفي تزوجت الشيخ الفارس : حسين بن عليق الدويش ، وطلب منها مرافقته الى البادية ولكنها رفضت مرافقته ولما رأت انه لايرغب السكن في الزلفي ويرغب اخذها معه نفرت منه وكرهته لانها الفت الحضارة وقالت له :

ياحسين ماحفينا عليك المراسيـل ولا لك خطبنـا يامـروا السلايـل

ولابك على اولاد الجريسي تنافيل وساع الطعون مشعليـن الفتايـل

نفلتهم ياحسين باخـذ الجماميـل ونقل العجـم لعـل مالـك حمايـل

جنب عن اللي تمشط الراس بالهيل المسك والريحان حشـو الجدايـل

عليك باللي كنهـن دايـج الليـل سمر الكفوف موسرات الضلايـل

كان حسين الدويش الفارس الأشم قد حارب الدوله السعودية بسبب قتل الامام لسبعة من علوى ووضع رؤسهم عند مائدة الطعام ورأى فيصل بن وطبان الدويش رؤس قومه فكتمها بصدره فحالف الاتراك وجرد حمله قويه على الامام وطرده من الرياض وكان حسين من ضمن الفرسان الذين فعلوا الافاعيل في تلك الحقبه من الزمن واسقطوا جميع حاميات الامام في مناطق نجد منها الزلفي وغيرها ، المهم رد حسين الدويش على زوجته ويقول رحمه الله :

والله جزا غيظك علينا لاجازيك اربع سنين ماتجيـك الرسايـل

والخامسه روحي وحبلك يباريك ترى حلاة الهرج ياتي صمايل

مرباعنا ( بمحقبه ) قل واليـك خيال علوى فوق قب الاصايـل

انا لقيت اللي يرد العوض فيك غرو على متنه يقض الجدايـل

تخيري من ربعك اللي حواليك ايضا ولاتشفين في كل طايـل

ياخذ زبيله والمساحي يباريـك عندك يفجر بالغروس الضلايل

وفعلا لم يطلقها الا بعد مرور خمس سنوات وتزوج من نساء البادية والبدوي قديمآ كان يأنف من الفلاحه . ويذكر الدويش محقبه وهي في الصمان التي جموها علوى وكانت حدودها مقبرة لشيوخ القبائل الذين طمعوا فيها .

ودمتم بخير .