شب الغلا واشعل من الحب نيران = وخل الحطب صدري وقرب يدينك
مدام نار الشوق تشعل لـه ابـدان = عادي فديتك احتـرق مـن يمينـك
الروح كونك وانت غالي بالاعيـان = واسكن بعينـي دام ساكـن بعينـك
انا رويتك عقب ماكنـت ضميـان= وذقت القراح اللي تزمـه يدينـك
اهديتنـي شـوقً وحـبً وتحنـان= وصافحت عهد الوصَل في راحتينك
واهديتلك قلب من الشـوق هيمـان= هيمان ، في حبك وهـاوي حنينـك
ياللي على شانك تحديت الازمـان = وحاربت كل اللي يحـاول يدينـك
ابيك لي دايم وابـي شوفـك الان = وتبقى خدين القلب وابقى خدينـك
قلبي واعرفه ماسكن غيرك انسـان = واموت وابقى وافيً فـي سنينـك

شاعر منتدى الجبلان

فارس الشعر

صح لسانك يا الغالي ومشكور على التواصل الملحوظ

دمت بخير وامان