::منتدى الجبلان الرسمي:: - نًٍعَِشٍََِِ َاَِلًَِِقََِِصَِاٍِيٍَدًًََ .. [ ! ]

.
.
سحابة طيف !!
تجتاح الضلوع العوج ..
تباغتني على نفسي ..
وتنسى اني الميت ..
على جال القليب هناك ..
؛
وانا اصرخ لك ..
بعالي الصوت :
.
.
.
.

مساء الجرح يا نعش القصايـد والقبـور سطـور
هلا بـك والعـزا تمـم ثـلاث سنيـن باوراقـي
جفلت من الظلام اللي نبش من هالسطـور قبـور
وانا اسمع خافقي يصرخ شبيه الريـح وش باقـي ؟؟
شبيه الريح لو - تكفى - تشب بوسط قلبك نـور
تلاقي صرخـة جـذور القصايـد تنـده الساقـي
على جرد القصيد اللي تربّع مـن سحـاب الـزور
رسمتك اجمل غصون الهنـا فـي جـذع عشاقـي
بنيت من العتب قصرٍ يحوفـه بحـرك المسجـور
وانـا مابيـن جدرانـه وصالـك يشبـه فراقـي
سراديب القهر عتمـه ، تضيّـع خافـقٍ مهجـور
عصيّ الدمع يابنـت القسـاوه يكسـف اشراقـي
تعالي والمحيني يوم ، شوفي الشاعـر العصفـور!
جناحـي هدّتـه عـوج الليالـي والتـوى ساقـي
عقب ما قد زرع كفّي على رجم الوصـال زهـور
نبت شوك الزهور اللـي سقتهـا غيمـة احداقـي
انا حبر الورق والهـم يكتبنـي ثـلاث شطـور !!
ورود الدم و ريـاح القفـار و ضامـي اشواقـي
وجيت آناشدك - تكفى - وانا ناسي عليك قصور!!
نسيـت انـك تجاهلتـي سنيـن بنـوض برّاقـي
انا برحل وقبل ارحل : احبك يـا سـراب الحـور
احبـك عاشـرت قلبـي قبـل لاتعـرف اوراقـي
فمان الجرح يانعـش القصيـده والعـزا مقبـور !
وداعـاً آنسـة قسـوة ، وداعـاً مالـك اشواقـي .!

للـ شاعر .. / .. مشاري التميمي !