|
دخــــيـــــــلك لاتخــلــيــنـــــي ,,,,,,,,
دخيلك لاتخليني ..!!؟ -------------------------------------------------------------------------------- ترحل وتحسبني لارحلت اقدر على النسيان.. وانا اللي لاطرا طاري رحيلك ضعت بشتاتـــــي دخيلك ،،بسألك لارحت منهو مننا الخسران.. أنا والاّ انت ؟،،جاوب قبل ماتكتب بي آهاتـــــي أنا اللي من عرفتك والسما قوس وغلاك الوان.. وأرضي تعزف اهزوجة فرح لاجتْك خطواتي وصوتك غيمة ٍ أحيت جفافي ، والوصل هتّان.. وحزن عمري يموت بضحكتك ياكل بسماتـــي تعرف انك غلاي وراحتي ، وان التعب لابان.. يموت ان جيتلك ياللي هواك اجمل حكاياتـــــي وتعرف اني على بساط انتظاري أجمع الأحزان.. واكبّلها اذا وصلك اخذني من متاهاتــــــــــي انا من قبل اعرفك مالقيت لهالعمر عنوان.. سوى : حزن وأمل ضايع ،ويأسي هو مداراتــــــي أنا من قبل اعرفك كنت اقول ان الغلا حقران.. واقول ان الهوى كذبه ،،قناعاتي كما الآتــــــي قليل اللي صدق ،،واللي يخون بهالزمن كسبان.. كثير اللي يمرون ،،وقِناعاتي قناعاتـــــــــــي وجيت وعرفت اني بحكمي كنت انا الغلطان.. وصرت انت القناعات ،،وحنيني وإتجاهاتــي دخيلك ،،مابقى فيني شعور ٍ يحتمل خذلان.. دخيلك لاتخليني أسير ليأس راياتــــــــــــــــــــــي |
قليل اللي صدق ،،واللي يخون بهالزمن كسبان..=كثير اللي يمرون ،،وقِناعاتي قناعاتـــــــــــي وجيت وعرفت اني بحكمي كنت انا الغلطان..=وصرت انت القناعات ،،وحنيني وإتجاهاتــي دخيلك ،،مابقى فيني شعور ٍ يحتمل خذلان..=دخيلك لاتخليني أسير ليأس راياتــــــــــــــــــــــي طبتي وطاب منقولك قصيده رائعه , ننتظر جديدك , تحياتي |
دائماَ
مبدعه |
الاخت ( دمعة ناقة ) صح السانج وسلمت يمينج على هالقصيده ... دمعة <<<<< انا لما شفت القصيده منظومه على بحر الشيباني بصراحه ابتسمت وانا اقول انتي يامعاج خرزة او رب رمية من غير رامي لاني قبل مااشبك بوقت قليل كنت توني منتهي من كتابة ابيات متواضعه على بحر الشيباني .... دمتي بهذا الذوق والحضور الجميل تقبلي مروري المتواضع \ ابن سمدان |
بكيفي جبلي ياحياك الله وانا سعيده بتواجدك ياوخيي :)
|
الملعبي الابداع في حظورك ياوخيي :)
|
دخيلك ،،بسألك لارحت منهو مننا الخسران.. أنا والاّ انت ؟،،جاوب قبل ماتكتب بي آهاتـــــي يا سلام ابداع وتواصل بنفس الوقت شكراً |
اما ااا بن سمدان
انا تراي ام السعف الي راح تطلع بالرمضان اعرف كل شي وانا ادري بتحط قصيده على بحر الشيباني سبقت وحطيت هالقصيده :) شكرا عالكلام الطيب الي قلته وهذا من طيبك بس عاد وين ليش غيرت الكلام الي كتبته تراني قريته خلاص هههههههههه بس بقولك شغله وربي اني داشه قلت اول مادخل بسمع القصيده الي حاطها بتوقيعك وبسمعها جدتي لارحت يمها لانها عاجبتني وللاسف انك شلتها ليش تشيلها وربي حلوه هذا منو الي يقصدها صج حلوه |
ياسلااااااام عليك يا ابا عجراء ويالله انك تحيي وخيي
شلونك يابدر منور المنتدى وعساك ماتشوف الشر انشالله وسعيده بتواجدك والله :) |
الله علي ذوقج واختيارج يا دمعه
ربي يوفقج يالغلا قصيدة رووعه ...................................... |
| الساعة الآن 01:34 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
