::منتدى الجبلان الرسمي:: - ادلّـه النفـس ليـن الله يفرجـهـا

يامل قلب (ن) يسج وفيه دولاجه
من هاجس (ن) بالضماير قام يدرجها

في معزل(ن) عن جميع الخلق وازعاجه
ما اسمع من الناس لوتكثر لجالجهـا

ماغير اهوجس تقول مضيع (ن)حاجـه
آخذ واسند على روحـي واهرجهـا

وادوج لوكـان مارجلـي بدواجـه
ادلّـه النفـس ليـن الله يفرجـهـا

يالله يالي بيـدك الضيـق وافراجـه
ياخالق الخلـق ياقاضـي حوايجهـا

تفرج لعين الذي أغفـت بسوهاجـه
تجهز عليها الطواري لين تزعجهـا

نوب(ن) سهرها شديـد ونـوب نهاجـه
ومر(ن) تكن الدمـوع ومـر تزعجهـا

عليك ياللـي بقلبـي كـن وهاجـه
وهاج نار(ن) هوى الغربـي يسارجهـا

أبـو ثمـان(ن) تشـاد اللولـو لعاجـه
كن البرد يوم يضحك فـي مفالجهـا

ياروح روحي وجرح القلب واعلاجه
الطف بحال(ن) عليـك الهـم ساهجهـا

قلبي يناجيك بسلوب الهوى .. ناجـه
يشكي لك الحال داخلهـا وخارجهـا

اما التفت لي وتم الوصـل بمواجـه
والا بـلا عشـرة(ن) هـذي نتايجـهـا

وش ينفعك من حنين القلب وخلاجه
وجروحي اسبابها انت ولا تعالجهـا

عبدالله بن عون