|
ليل الشقا
مساء الجبلان
متواضعه ترقى بكم فقط !! .. ياليل في عيني مشاريه وحقوق ــــــــــــ ويهيب ياليل الشقا والقطاعه غربتني مابين ضايق ومخنوق ــــــــــــــ وضيقتبي هالكون رغم اتساعه وعيشتني بالهم والحزن والعوق ـــــــــــــ وعيني على نجمك يزيد التياعه اسري مع القمره ليا صرت مضيوق ــــــــــــــ وارجع مع شروق الصباح وشعاعه يالين من حزنك انا صرت معشوق ـــــــــــــ و ضحكتبي كل البشر والجماعه يالايمي ماذقت ذوقي وانا ذوق ــــــــــــــ ولو ذقت ماذقته تموت بقناعه انا وريث الحزن ياصاحبي روق ــــــــــــــ وشفني مع ليله اعاني صراعه كرهت معنى الحب لو عالمه فوق ـــــــــــــــ واخذت من صدمات عمري مناعه ولاعاد تنشدني عن الحب والشوق ـــــــــــــــ مليتها من كثر شفت البشاعه ولاعاد تزهمني باسم مشعل الشوق ـــــــــــــ الشوق اصبح في حياتي رعاعه |
فارس الجبلي
صح لسانك يالغالي امتعتنا بالقصيده الرائعه في انتظار جديدك يالسنافي تقبل تحياتي الملعبي |
اللـــــــــــــــــــــــــــه
اللــــــــــــــه الله كنت مشعل الشوق او " فارس الجبلي " تبقىىى انت المبدع الرااااائع !! ولاعاد تزهمني باسم مشعل الشوق ـــــــــــــ الشوق اصبح في حياتي رعاعه هالله هالله :) الى الامام دوماً يا " شعر " !! |
ياليل في عيني مشاريه وحقوق
ــــــــــــ ويهيب ياليل الشقا والقطاعه غربتني مابين ضايق ومخنوق ــــــــــــــ وضيقتبي هالكون رغم اتساعه وعيشتني بالهم والحزن والعوق ـــــــــــــ وعيني على نجمك يزيد التياعه اسري مع القمره ليا صرت مضيوق ــــــــــــــ وارجع مع شروق الصباح وشعاعه يالين من حزنك انا صرت معشوق ـــــــــــــ و ضحكتبي كل البشر والجماعه يالايمي ماذقت ذوقي وانا ذوق ــــــــــــــ ولو ذقت ماذقته تموت بقناعه انا وريث الحزن ياصاحبي روق ــــــــــــــ وشفني مع ليله اعاني صراعه كرهت معنى الحب لو عالمه فوق ـــــــــــــــ واخذت من صدمات عمري مناعه ولاعاد تنشدني عن الحب والشوق ـــــــــــــــ مليتها من كثر شفت البشاعه ولاعاد تزهمني باسم مشعل الشوق ـــــــــــــ الشوق اصبح في حياتي رعاعه والله ماقدرت اختار بيت من هالقصيده لروعتها فقلت اختارها كلها لانها فعلا تعبر عني وعن الفكره الي كانت ببالي لاكن ماقدرت اني اعبر عنها مثلك ياخوي فارس حلو الانسان يقدر يعبر عن مافي نفسه بكل سهولــــــــــه انت بصراحه جبت الي ببالي كله وعزالله قصيدة معبررره ورااااائعه وانت شاعر متمكن ومتميز في هالمنتدى قصايدك لها نكهه خاصــه فيك قصايد فارس واضــــحــــــه صح الله السانك اخوي على هالرائعه وصح احساسك العذب الي لولاه ماطلعت هالقصيده الرائعه |
فارس الشعر
ولاعاد تزهمني باسم مشعل الشوق ـــــــــــــ الشوق اصبح في حياتي رعاعه يامذهل يامذهل فارس .... احب ان اقرا لك دوما ..... واحب تواجدك العذب فا انت شاعر خلوق .... وجزل في نفس الوقت لله درك يالامير وصح اللسانك كنت هنا |
عملية الابداع في الشعر او في فنون الادب المختلفة عملية معقدة وفريدة من نوعها .... وهذا التفرد وهذه " الخصوصية " هي التي جعلت اعداد المبدعين في كل عصر من العصور يعدون على اصابع اليد ... ان ابداع مجموعة من الصفات والمواصفات التي تتم داخل ذهن الشاعر ينتج من تفاعلها " ابداع شعري " يثير اعجاب الناس واحترامهم .... واحترامي للشاعر هو احترامي لما يبدع في كتاباته الشعريه .. كمثل احترامي للشاعر فارس الجبلي وهذا النص الراقي المفعم بالاحاسيس الصادقه ... اخوي الشاعر المبدع فارس الجبلي انت بحق ولست اجاملك مبدع مبدع مبدع ... تجيد التعامل مع الكلمه الشعرية ايما اجادة ... وانت بهذه القصيده تؤكد ذلك وبما لايدع مجال للشك وخااصة في البيت السادس : يالايمي ماذقت ذوقي وانا ذوق******ولو ذقت ماذقته تموت بقناعه صح السانك يافارس واشهد بالله انك جزل ... وعندي راي في الشطر هذا : مليتها من كثر شفت البشاعه لو قلت وانت طبعا ادرى مني بالقصيده لانك يااستاذي شاعرها وسيد ابياتها ومعشوقها مثلا : مليتها من كثر شوف البشاعه اخوي فارس صح السانك وبيض الله وجهك على هالوافيه اللي فتحت نفسي على الصبح ... سجل اعجابي بها وبشخصك الكريم اخوك\ ابن سمدان |
صح لسانك يافارس الشعر
والله ودي امدح واثني على ماكتبت ولكن ماشالله00ازدحام المعجبين بقصيدتك وتهافت كلمات المدح000لم يدع لي المجال الا ان اقول يافارس000لاتحرمنا جديدك المحب بن معرقب |
يالله حي فارس
رايي تعرفه فيك والقصيده روعه من روعه كاتبها بس البيت الاخير انا سمعته غير وقعدت اردده دائما لا عاد تزهمني باسم مشعل الشوق ,,,,,,,,,,,,,,,,,,,,,,اسما نسيته عند اول (حبيبه) انا قصيدتك كلها بقراها الا البيت الاخير ببدله بالبيت هذا لا هنت |
صـح لســانك يافارس الجبلي
وتسلم يمناااك على القصيده الجزله |
صح لسان يافارس
جزلة من جزل ننتظر جديـــدك اخوكــ / راعي الوضحا @@@@@@@@@@ |
| الساعة الآن 01:46 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
