|
الشعر مثل الطويل من المنازل&ما سكن به غير ناس فاهمينه!!
يادعاة الشعر يكفينا مهازل...................الشعر من دون ذنب مبتلينه
قام يمشي في زمنكم بالمغازل................قلت لاشفته عسى ربي يعينه الشعر اصبح مغازل في مغازل................كن مافي العالم قلوب حزينه تقل في العصر ماينزل نوازل...................موظفينه فالغرام موظفينه الشعر مثل الطويل من المنازل................ما سكن به غير ناس فاهمينه من تعلا به شوي جاك نازل....................ما يمد الشعر للقاصر يدينه وماهو مطالب يقدم له تنازل...................ايتنازل ليه وش بينه وبينه الاصل بينه وهالاشكال عازل...................عزلة نبينا نوح عن ظهر السفينه ما يجيب الهازل الا كل هازل...................ما خبرنا هازل جاب السمينه يادعاة الشعر ياصحاب المهازل................لو تريحتوا ترى ماهي بشينه!! |
بيض الله وجهك
انا يكفيني البيت هذا يادعاة الشعر ياصحاب المهازل............ لو تريحتوا ترى ماهي بشينه لاهنت يالغالي تقبل مروري / فلاح الجبلي |
وهالوجه يالغالي
ولا انت واسعدني مرورك وتواجدك تحياتي لك اخوك / مصفي المرح |
مصفي المرح
الله لا يهينك وصح الله لسانك تحياتي |
صصصح الله الســــــــــــــــــــــــــانك وصحيح كلامك
شاااعر مبدع الله محييك بينا |
مصفي الروح ... بيض الله وجهك ولاهنت على الابيات الوافيه بالمعاني والشافيه للي بالصدور ... اخوي مصفي الروح مدعين الشعر كثروا بالزمن الا من رحم ربي وصار الشعر تجارة من لا تجارة له ... الله يرحم الحال.. وفقت اخوي بالاختيار وذكرتني بتلك الرائعه التي نادى بها الشاعر الكبير سعد بن جدلان تلك الفئه الدخيله على الشعر فقال :
ياهل القصيد مراسلين الجرايد= تكفون صونوا كلمة الشعر تكفون خلوه يلقى من وراها فوايد = فيدوا وخلوا غيركم يستفيدون لاتعرضون نفسوكم للنقايد =والرابح اللي من غثا الناس مصيون وليا بغيتوا نادرات القصايد= صيتوا لشعار الادب وش يقولون اهل الادب والتجربة والركايد= امثال مرشد والعطاوي وابن عون افكارهم ماتنتج الا فرايد= تقول بصدور الاوآدم يويقون قلته واناعنهم بعيدٍ ونايد= ولانيب قايلها علشان يوحون ولانيب راجي من وراها فوايد= ولكنّ رجلً يخفي النور ملعون تقبل مروري \ اخوك ابن سمدان |
| الساعة الآن 05:48 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
