|
محارة تركي 2000 وملفي المورقي
مـلـفـي الـمـورقـي
ابرفع قضيه على تركي الفيـن لـقاضي يميز حقوق الرجالـي ولا يااحمر العين رايح على وين نريد اليمن وانت تبغى الشمالـي تـركـي 2000 تقدم وقدرك على الراس والعين وثبت قضيتـك فـاول وتالـي انا في طريقي واعلمك هالحين احب الغلا واشتري كل غالـي مـلـفـي الـمـورقـي انا قلت عندي ثبوت وبراهيـن انا شاعرٍ حيلتـي دون حالـي ترا الدرب واحد ولا فيه دربين طريق(ن) محرم والاخر حلالي تـركـي 2000 ياراع الرساله قرينـا العناويـن واذا ضاق بالك فلا ضاق بالـي الا ياولد روق انا دربـي يميـن ومن طيب الاقصى يطيب الموالي مـلـفـي الـمـورقـي اظنـك تبانـا نحـد السكاكيـن اشوفك من العصـر ياهملالـي زرعنا لك الارض ورد وبساتين لكـن تغيـرت تـال الليـالـي تـركـي 2000 ترا مقدم الصاع نعطيه صاعين ولا نارد الا القراح الزلالـي لقيت المقابيل عكس المقفيـن عسا الله يحققلي اللي طرالـي مـلـفـي الـمـورقـي مع ايامنا يصفي الماء مـن الطيـن وكل(ن) يدلـي طـوال الحبالـي تبا تستوي ياابيض الوجـه وتزيـن لو اخسر فـالاوضاع من حر مالي تـركـي 2000 تمر الايام وشهور وسنيـن ياراع الشماغ انتبه للعقالي اعرفك بعيرٍ سوات البعارين لاهلت تشيل الحمول الثقالي منقووووووووووووول |
الف شكر لك على النقل يالمستشار . .
.. .. |
يعطيك العافيه اخوي المتشار على هالنقل
ما قصرت عساااك على القوة دايما اخوووك الجارح |
الله الله لعب ممتاز وطاروق ممتاز
لاهنت ويسلم منقوولك يالمستشار تقبل مروري في صفحتك اخوك مـــ ح ـــمد الــ ح ــصــيـني الــ ج ــبــلــي |
يا هلا عزيزي وليد والعفو واسعدني مرورك الجميل تقبل أجمل تحياتي أخوك/المستشار |
يا هلا عزيزي الجارح والله يعافيك وقويك بس ترى نكي يالحبيب المستشار مو المتشار وين السين شكلك بلعتها بالعافية يالغالي ههههههه واسعدني مرورك الجميل تقبل أجمل تحياتي أخوك/المستشار |
ياهلا ومرحبا عزيزي محمد الحصيني ولاأنت ومرورك شرف لي يابن عمي الجبلي واسعدني مرورك الجميل تقبل أجمل تحياتي أخوك/المستشار |
هلا وغلى بخوي المستشار
تكفى لا تواخذني يا خوك والله ما ركزت وهاذي حبة راس والله من غير قصد ياخووك ههههههههههههه تقبل فائق احترامي وتقديري اخوي الغالي المستشار ومشكووور مرة ثانيه على الموضوع الجميل ما قصرت اخوووووووووك الجارح |
ياهلا بالجارح ومسهلا وانا مسامحك ياطويل العمر لأنك وحدة من الثنتين يا تعبان ودك تنام او جوعان وأكلة السين بس ياصاحبي مو كل ماتجوع تاكل حرف من نكي (بالعافية مقدماَ)هههههههههههه العفو ويامرحبا |
| الساعة الآن 04:16 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
