|
معركة جرت في الحرة ....
السلام عليكم ورحمة الله وبركاته .............. إخواني الكرام
انقل لكم هذه القصيدة والتي تتحدث عن معركة جرت بين العضيلات والضبطان من مطير من جهة وبين الهــبشان من العوالي من الروقة من جهة اخرى ، وكان قائد المعركة من جهة مطيرالشيخ غالي بن سحمان، وفيها ذكر الشاعر الروقي اسماء مواقع وهي ( النبطا - ام اعنيق - فيضة اللحيان ) وجميعها في الحرة وقريبة من بعضها وهي قديمة والدليل على ذلك ذكر الشيخ ابن سحمان وحضوره هذه الوقعة فالشيخ بن سحمان وربعه لايـــوجد منهم احد في الحرة منذ اكثر من مائة سنة والشاعر وصف المعركة وصف دقيق حيث يقول /
انا هيض علي العصر يوم ادباحـة الهبشـان=من النبطا إلى ام اعنيق كـن الليـل غاشينـا لحقنا عند تال الضين ربع(ن) تشرب الدخـان=من الاد العضيلي حـي هالعـزوة اتناحينـا وانا ماعرف عابد نعنبو عابد مـن الضبطـان=انا ماعـرف عابـد قبـل هالطرقـة تودينـا ونادينا الهبيش اللي منـول طيبـة الهبشـان=مع الصمـد المقابـل مايدانـي يلتفـت فينـا ونادينا عويشز طالع(ن) مع فاضـة اللحيـان=وقلنـا ياعويشـز يابـن عـمـي لاتخليـنـا ولدينـا لسـردن فـي يدينـا كنهـا الديبـان=مذاخير الجدود اللي علـى الحبـلا اتهمقينـا ونجينا الصويب اللي عضامه غاديـة شـذان=من الركبة اليا زند القـدم غـادن صواوينـا يالولا الله ربنا العالي ثم لولا وجه ابن سحمان=يالولا الشيخ ابن سحمـان تاكلنـا السراحينـا تقبلوااااا تحياااااااات أخوكم / ابن سحمان العضيله |
أبن سحمان لاهنت ..
بيض الله وجهك |
ابن سحمان بارك الله فيك سالفة طيبة تسلم يابن سحمان وماقصرت
|
تقبل تحيتي يابن سحمان
|
ابن سحمان
مساء الخير ..... اخي العزيز ويعطيك الف عافية على الايراد التاريخي الهام كل الشكر والمحبة .... ننتظر جديدك وتواصلك تقديري وتحياتي اخوكــــــــــــــــ سلطان الجبلي |
لاهنت ياابن سمحان على النقل
تقبل مروري |
ونعم في العضيلات وفي الضبطان
ياأبن سحيمان وبيض الله وجهك تقبل مروري أخوك هشام الظويفري |
والله ونعم بالعضيلات
ولاهنت يابن سحمان علي نقلك وشكرا لك |
| الساعة الآن 11:02 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
