الحلقة الحادية عشرة


بما أن مجلس المساهمين للمنظمة التي أعمل بها هم وزراء عرب من الدول المساهمة (صور أعلامهم من كتالوج المنظمة)

http://www.mekshat.com/pix/upload02/...k55667_215.jpg


فلقد كان لي الشرف التعرف على بعضهم عن قرب ، وذات مرة جرى حديث ودي مع أحد الوزراء العرب عن كيفية قضائي لوقت فراغي بالسودان وتطرقت للحديث عن الصيد والغزلان وأخبرني بأن أكبر أبنائه يعشق الصيد وأنه دوماً يصطاد الأرانب والبط وأنواع أخرى من الطيور لأنها فقط الصيد المتوفر في بلادهم واتصل بابنه ليخبره عن أعمالي الجليلة في خدمة الغزلان ، واتفقت مع ابنه على أن نقنص للصيد عند زيارته لي بالسودان ، وبعد شهر تقريباً اتصل بي ليعلمني بقدومه للخرطوم ومن المطار إلى عطبرة طوّالي

http://www.mekshat.com/pix/upload02/...k55667_216.jpg


ولشدة حماسه للصيد قال تكفى خلنا نسري بالليل للمقناص ونصيد اللي نصيده بالليل ونصبح بين الغزلان ، قلت ابشر وأنا اللي أسوق وهو يميني على الباب علشان يرمي ، ونعبر النيل غرباً عقب ما تعشينا وعيّنا خير ، وتوجهنا لمكان اسمه نصب الحصان وهو مكان وعر ولكن فيه ذَرا طيّب لأن كان فيه هواء ذيك الليلة ، ويوم وصلناه وهن يطفرن قدّامنا غزالين ، ويمد البندق ويضرب الأول والثاني يدخل في الوعر ، وهو يبلشني يصيح تكفى لا تخليه وهي تطير الجنون في رأسي (لا تقول تكفى) وأنا أدخّل الموتر وراه والأرض كلها حجر كأنه سكاكين ويبنشر معنا ثلاث كفرات ومعنا اسبير واحد ركّبناه ورقعنا الاثنين الباقيين رقع تيوبلس كانت معنا لكن ما نفعت وقعدنابها

http://www.mekshat.com/pix/upload02/...k55667_217.jpg


وابن الوزير المسكين ضاعت علومه قال في بلدنا إذا تأخرت أو تعطّلت يفقدوني الحماية ويسعفوني على طول ، قلت يا حبيبي حناّ في السودان والحامي الله ولو تجلس شهر ما أحد يدري عنك ، واشيك على الجارمن وألقى عطبرة 48 كيلومتر ، قلت هاه يالزولة من فيه شَدّة ويروح يسعفنا أنا حدي كيلو كيلوين بالكثير وبعدها ابنشر زي الجيب ، قالوا حنّا كلنا نروح ، قلت للدليلة وهو شايب عمره فوق الستين وش رأيك، قال خلّوا الطباخ عندكم وأنا والسواق نروح نسعفكم ، قلت أخاف تتعب ما تكمل ، وهو يقوم يضحك ويقول هالحين شتاء وأنا بالصيف الحنّاني هالسنة قطعت 100 كيلومتر بدون ماء في 24 ساعة وما تغير ممشاي ولا تعبت ، قلت أجل توكلوا على الله ، وسروا حوالي الساعة 11 بالليل ، وامرحت أنا وخويي في السيارة من شدة البرد ،و هو يقوم يحاول بالجوّال بدون فائدة ويقول أنا خايف على الشايب ما راح يوصل

http://www.mekshat.com/pix/upload02/...k55667_219.jpg


ويوم أصبحنا ونلقى الطباخ مضبّط الشاي والقهوة والحليب

http://www.mekshat.com/pix/upload02/...k55667_220.jpg


وقلت ضبطوا لنا فطور لحم مقلقل من الغزال ، قال الطباخ هالحين حنّا متعطلين واللي راح يسعفنا ويلقانا هم تقريباً حرس الصيد وهم ماراح يتعرضونك لأنهم يعرفونك لكن أنا ما راح يخلوني بعدين والغزال خبّأته في شجرة ، قلت ما عليك منهم جب الغزال ، قال ولد الوزير : هذا أول غزال أصيده في حياتي وأبغى آخذه معي وأعزم أصحابي عليه وأقول لهم قصته ، قلت على كيفكم وهو يقوم الطباخ ويضبط لنا دكوة وهي تقريباً عصيدة فول سوداني كانكم ماتعرفونها

http://www.mekshat.com/pix/upload02/...k55667_221.jpg


وحنّا نقوم نضرب فيها وطلع طعمها عندي أحسن من لحم الغزال لأني بصراحة مليّت من كثر ما أكلته بالسودان

http://www.mekshat.com/pix/upload02/...k55667_222.jpg


وما كمّلنا فطورنا إلاّ وربعنا اللي سروا البارحة جايين ومعهم الإسعاف لأنهم مشوا طول الليل هرولة وبعد ثلاثين كيلومتر جاهم الإرسال وكلموا ربعي وعلى طول فكّوا كفرين من سيارة نائبي بالمنظمة وجابوهن بسرعة ولله الحمد

http://www.mekshat.com/pix/upload02/...k55667_223.jpg


وقلت خلونا نكمل مقناصنا، ونط ولد الوزير على الطارة وقال هالحين الدنيا مقلوبة في بلدنا لأني أول مرة أنقطع عنهم هالمدة وأنت تبي تقنص وقال أنا اللي راح أسوق لأنك ما راح تخلينا يالجبلي نرجع على طول لازم تصيدلك شيء في الطريق ، وبعدين أنا تعلمت درس في هالدنيا إنك إذا شفت الجبلي في طريق اسلك طريق ثاني

http://www.mekshat.com/pix/upload02/...k55667_224.jpg


وسافر في اليوم الثاني الله يذكره بالخير وأخذ غزاله معه ، وصرنا صحبة بعدين وهالحين إذا سافرت لبلده يضبط لي الحجوزات والاستقبال و كل شيء أحتاجه جزاه الله خيراً.

وبعد فترة زارني أحد الوزراء وبعض المستثمرون العرب في الخرطوم وأقمت لهم حفلة عشاء في أحد المطاعم الراقية بأم درمان (ملاحظة : مطاعم الشاورما في الرياض أفضل من مطاعم السودان الراقية والأسعار غالية جداً تقريباً الوجبة لخمس أشخاص بألف ريال)

http://www.mekshat.com/pix/upload02/...k55667_225.jpg


ولقد كان من أهداف زيارة الوزير الإطلاع على ما تم تنفيذه من مشاريع بالسودان ، وقلت للوزير لازم تلبس لبس عادي (casual) لأن الطريق للمشاريع طويل وممل وما قدامك أحد في الخليان ويوم جيته الصبح وألقاه لابس الدشداشة وحنّا ننطلق من مقر إقامته في الخرطوم لأحد المشاريع المهمة في شمال الشمالي

http://www.mekshat.com/pix/upload02/...k55667_226.jpg


و المشروع يهدف لتتركيب وحدات ضخ كبيرة لنقل المياه لمراكز التجميع وتوزيعها لقنوات فرعية

http://www.mekshat.com/pix/upload02/...k55667_227.jpg


وهذا الوزير يراجع الصور اللي التقطها بجواله

http://www.mekshat.com/pix/upload02/...k55667_228.jpg


ومن ثم انتقلنا لرؤية الأعمال القائمة في مراكز تجميع ورفع المياه للقنوات الفرعية

http://www.mekshat.com/pix/upload02/...k55667_229.jpg


وفي المساء رجعنا لعطبرة لأن الخرطوم بعيدة وماهي حولنا ، وتعللنا بالليل وأنا أوريه أفلام صورتها بالمقناص وهو يتهيّض الوزير ، وقال أنا بكرة لازم أسافر للخرطوم وأنت قاعد في عطبرة وأنا بصراحة ودي أشوف الصيد بس وقتي ضيق، قلت عطني ساعة أو ساعتين الصبح وابشر بالخير ، والله سترنا معه ولقينا تيس على كيفك ، وهذي صورة التيس يمشي على الجنط بعد ما رميته وكسرت يده ورجله

http://www.mekshat.com/pix/upload02/...k55667_230.jpg


وهذا رفيقنا الوزير ماسك قرونه

http://www.mekshat.com/pix/upload02/...55667_2301.jpg


وهذا أنا معهم بصورة جماعية

http://www.mekshat.com/pix/upload02/...55667_2302.jpg



ونراكم في الحلقة الأخيرة قريباً إن شاء الله