لا بكى الشاطيء وحزنه كسر من الموج موج=واغرق الملاح دمعه لين تعكر له مزاجه
ويل حالي والمراكب في وسط قلبي تدوج=ويل حالي لا ظميت ولا لقيت الا هماجه
ويل حالي ان سريت وضاقت بعيني الفجوج=والبحر يومي بكفه واشعل لموتي سراجه
عانق امواج الشواطيء حرف في قلبي يدوج=يصرخ بـيـمـال روحي ما بقى بالقلب حاجه
ابني احلامي وصارت شامخه مثل البروج=اصفع الدنيا بكفي باغي(ن) فلة احجاجه
ازرع سنيني وصاله.والدروب العوج عوج=مامشت رجلي بدرب وخايف تبعد فجاجه
اطلق عنان المشاعر من خفوقي بلا سروج=سرجها عند اكحل العينين هو صافي الغناجه
وقتها ماكنت اصدق في مقفين الهروج=لين جا للحلم ريح تسبق الوقت بعجاجه
بعدها وش راح اسوي ان تناسيت النهوج=لا كشخ يوم التجافي اذهل العذال تاجه
اطفي شموع الاشعار واترك الليله تسوج=ولا اضحك كذب واصرخ وقلبي زايد بأبتهاجه
ارسم البركان يغلي والخلايق فوج فوج=والاانسى الحلم كله واترك الناس بلجاجه
ضحكة الايام ضاعت في متاهات الدروج=تسأل العشاق عني عن قصيد(ن) ضاع تاجه
ماعلى الدنيا ملام ولا على الدنيا حجوج=من يطاوع شور قلبه يشرب البحر وهماجه
ولا بكى الشاطيء وحزنه كسر من الموج موج=اعرف الملاح ميت والبحر يضحك حجاجه

ابني احلامي وصارت شامخه مثـل البـروج=اصفع الدنيا بكفـي باغـي(ن) فلـة احجاجـه
ازرع سنيني وصاله.والدروب العـوج عـوج=مامشت رجلي بدرب وخايـف تبعـد فجاجـه