|
ذيب الشمري /// وام خليفة الديحاني (( الوالده اطال الله بعمرها ))
السلام عليكم
اولا ... لمحبتي لهذا المنتدى ... اوددت ان اطرح الرّديه اللتي حصلت ... بين والدتي والشاعر الكبير ذيب الشمري .... ولكن لااعرف اين مكانها المناسب ... فجعلت المهمه ... للمشرفين ======= فالبدايه ..... تعريف لوالدتي حفظها الله واطال بعمرها شاعره كتبت الشعر ..... اكثر من خمسين عاام ..... ولكن لخصوصية قصاائدها .... فلم يظهر للأعلام منها .. الا الشيئ القليل ..... مدخل بسيط اخي مشعل رحمه الله ... توفى عن طريق الخطأ عندما ثارت عليه (( الشوزن ))) وقد توفى امام الوالده ... مما سبب لها ..... الكثير وهنا مانشر في جريدة الراي العام الكويتيه في تاريخ .... 2008 / 1 / 5 وقد استسقيت النسخ من الزميل والشاعر .. وليد ذيب العامودي الشمري ======================== بسم الله الرحمن الرحيم (( مقــدمه )) كان الشاب مشعل الديحاني رحمة الله عليه في بداية كتابته للشعر ومن اشد المعجبين بالشاعر / ذيب الشمري ويزوره بإستمرار ويلتقي بالشعراء الذين يتداولون الشعر ويناقشون اغراضه بين نقد وإستحسان وكل مايتعلق في شؤون الشعر وكان مشعل الديحاني رحمة الله عليه عندما يعود الى المنزل يقول لوالدته لقد كنت عند ذيب وسمعت من الشعر كذا وكذا وحضرت اخر محاوره وكان ذيب هو الافضل و بين الحين والاخر يكرر اسم ذيب وعندما انتقل الى رحمة الله ...وبعد ايام من وفاته ذهبت والدته برفقة ابنها طلال وشاء الله ان تستوقفهما الاشاره الضوئيه بجانب ذيب الشمري قال ابنها طلال: يا ام خليفه هل تعلمين من هذا الرجل الذي في ( الجيب ) قالت :لا قال طلال: هذا ذيب الشمري الذي يذكره مشعل بإستمرار وعندئذٍ ثارت عاطفة الام الجياشه وبعد عودتها الى المنزل خاطبت ذيب الشمري في هذه القصيده تسأله هل لازال يذكر مشعل ام نساه ...؟ ياذيب ياذيـب الرياجيـل ياذيـب ياللـي بعيـد الـدار واللـي هنيـّه ياذيب انا بنشدك ماشفت لي ذيـب .. ؟ ذيبٍ نصحته عن طريقـه وعيـّه ذيبٍ يرد حوض المنايا ليا هيـب وطلعه مثل طلع القمـر والثريـّه يالشمري ياذيـب يامنبـع الطيـب ذيبي خذاه المـوت ماهـو بحيـّه وانا بكيته لين راسي غـدا شيـب وصبرت صبر ايوب غصبٍ عليّه طرى علي في يوم شفتك على جيب يمدحك مدح بزود ماهـو شويـّه كانك عرفت شعيل مابه عذاريـب غير الشجاعـه والكـرم والحميّـه يالله وانا طالبـك ياعالـم الغيـب لاتوفـق اللـي باعـه البندقـيـّه ام خليفه المطيري ..(( ملاحظه القصيده ليست كامله ... ولكن .... عرض غرضها فقط )) .. وجاء الرد من الشاعر ذيب الشمري : ياناشدتني عن شطير المخاليب اللي سرى في ليلةٍ خرمسيه عليه انا مثلك جروحي معاطيب وانتي تزيدين الجروح الخفيّه والذكريات اللي تشب اللواهيب لو ماطلبناها تجينا هديه اقدّر اصحاب القلوب المصاويب لويحذفوني بالجحيم اللظيه مكتوب جاني غير كل المكاتيب مشاعرٍ من عاقله واجوديه بنت الرجال مكملين المواجيب اهل المفاخر طيبين السجيّه جاني سؤالٍ عذّب الروح تعذيب اشد من ضرب السياط القويه واشد من ضرب السيوف المحاديب وامسيت مستسلم ورافع يديّه اشعيل اعرفه دون شكٍ ولا ريب بالمعرفه ماهو غريب الهويه لو هو صغير ولامظاله تجاريب بالطيب دايم عالي المعنويه اطوْل عمار من البشر نوح وشعيب كلٍ بيومه واجهته المنيّه ولو كانت الدعوى فزوع ومطاليب بين البشر مانعتبرها قضيّه في لازمك تمشي طوال الاشانيب مايرجعون الا عليهم رضيّه ولو البكا والنوح وتشقق الجيب يردلك نور العيون الشقيه ارسل لك صفوف البنات الرعابيب جميع وحده تدعّي شمريه يبكن ويلبسن الثياب الغرابيب في لازمك مثل النحل بالخليه لاشك ماتنفع جميع الاساليب ادعي عسى الرحمن رب البريه يجعل له الحور الكواعب معازيب بين الحدايق والقصور البهيه في جنةٍ يصفى بها البال ويطيب ويجمعكم الله بالنهايه سويه نقل بواسطتي .... |
يالشمري ياذيـب يامنبـع الطيـب
ذيبي خذاه المـوت ماهـو بحيـّه وانا بكيته لين راسي غـدا شيـب وصبرت صبر ايوب غصبٍ عليّه جااسم المطيري بالبدااايه أدعي لمشعلل بجنااات النعيم ياااااارب وبعدهااااا قصه مؤثره ورديه مليئه بالأحااسيس الصاادقه من شاعره مميزه تدااولناااا قصيدهااا في مجتمعنااااا كتبت بصدق ووجع ام فقدت غاااليهااا........؟ وشااعر بقوه ذيب الشمري وجزااالته ووفااااااءه جاااسم شكرااااا لك من القلب على هالتمييييييز |
كل الشكر لك علي هذة الحادثة التي فيها عضة ورحمة 000
عضة بملمات الحياة ورحمة بتواصل الناس جميعا واشتراكهم بهم واحد واحاسيس كاد ان تكون واحدة تجمعها ظروف كهذة 000
اناللة وانا الية راجعون رحمة اللة المتوفي وعظم أجر الموجود ووفق كل محتسب للة00 مرة اخري لهي حادثة المتني ولكن فيها عظة لمن اراد0000000000000 |
يجعل له الحور الكواعب معازيب
بين الحدايق والقصور البهيه في جنةٍ يصفى بها البال ويطيب ويجمعكم الله بالنهايه سويه اميييييين الله يرحم مشعل ويغفر له ذنوبه والله يعطيك الف عافيه |
أخوي الديحاني
بدايةٌ الله يرحم ذيبكم مشعل رحمة وااااااااااااسعه ويغفر له. اللهم اسكنه فسيح جناتك. والله ماألوم الوالده بهالقصيده وصح لسانها وكان الله في عونها. وصح لسان ذيب الشمري.والله بصراحه بكيتنا بالقصيده الوالده الله يطول بعمرها ويمتعها بالصحة والعافيه وبكيتنا ايضا في رد ذيب الشمري. |
الله يرحم مشعل و يغفرله و يسكنه فسيح جنانة و يلهم ذويه الصبر و السلوان
و الله أنك لعبت فينا بالردية صح لسان الوالدة و الله يعوضها خير بجاسم و خوانه و الله يجمعهم و لا يفرقهم يا رب العالمين قصيدة أقل ما يقال عنها أنها رائعة و الله أن الشمري زاد غلاه عقب هالقصيدة عزالله إنه ما قصر و لا يلام بحب الدياحيين |
الله يرحم مشعل ويسكنه فسيح جناته انشالله والله يعطيك الف عافيه على الموضوع الي حرك المشاعر عندي بصراحه وماقصرت ام خليفه والذيب وتقبل مرورى اخوك بـــ ســـهـــيـــل ــــن |
|
جاسم
لاهنت على نقل الرديه وام خليفه الله يصبرها ويجعل مشعل في الفردوس الاعلى وصح لسان عجوزك ولسان ذيب تقبل مروري اخوك وصديقك جزاع بن كويعب |
الاخ العزيز
جاسم المطيري رحم الله الاخ مشعل رحمة واسعة واسكنة فسيح جناتة وصح السان الوالدة اطال الله في عمرها وصح السان ذيب الشمري وتسلم ولاهنت يالذيب وننتظر من بل نطلب ونرجوا منك المزيد من شعر والدة الجميع ام خليفة اطال الله في عمرها وتقبل تقديري واحترامي اخوكـــــــ سلطان الجبلي |
| الساعة الآن 02:01 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
