::منتدى الجبلان الرسمي::

يا عظيمه كل شيٍ له حدود وله نهايه.................... لكن انتي ماوقفتـي عنـد حـدّك ياعظيمـه
.
استلذّيتي بطعناتي واخذتيهاهوايه........................ كن ما لك حربـةٍ توجـع وطعنـاتٍ أليمـه
.
آه ليتك ما تماديتي بطعنات البدايه...................... لين صار لكل طعنه فالحشـا معنـى وقيمـه
.
الله يبيحك ولكن كيف في أغرب روايه..................... تكتبين الحب كذبه والهـوى دقّـه قديمـه
.
وانتي اللي كل ما لدّت عيونك فالمرايه.................... ما لمحتي الا اليتيم اللي خذت قلبـه يتيمـه
.
واليتيمه فاليتامى مالها حق الوصايه..................... الوصيّه عودها الغـض ونوايـاه السليمـه
.
لكن انتي صار لك حق الوصايه والولايه.................... واستبدّيتي وشدّوا البدو واضحيتي مقيمه
.
ما رحلتي لين حطّمتي بما فيه الكفايه..................... عاقلٍ حب الجنون وصوت نارك في مشيمه
.
استبحتي حرمة المجنون بادراك وعنايه..................... والتفتّي له بعقلك وارتكزتي في صميمـه
.
امتلكتي غايته لو كان ماله فيك غايه.................... وانتصرتي في عيونه واعترف لك بالهزيمـه
.
من كثر ما يعشقك ماقال لك بالحب رايه..........................خايف الأيام لا تطلع عواقبها وخيمه
.
في طريقك كل ماكنّه لمس درب الهدايه....................... تاه ودروب الحياة المستقيمه مستقيمـه
.
تايهٍ بصري ومن جابه لبيت الله تايه...................... عذر من غمّض بعين وعينه الأخرى كريمه
.
فدوتك مافات من ليّام واللي عاد جايه...................... يا بعد عمرٍ مخاسيره معك عندي غنيمـه
.
أنتي الفارع بقد وجد واسماء وكنايه.................... من عشق مثلك يجوز من الهوى وشداد ريمه
.
ليه لا وانتي بحسنك في ذوات الحسن آيه................. لا ذهب لا ماس لا ياقوت لا احجارٍ كريمـه
.
شاعرٍ له مع هل الرايات فالمرقاب رايه ........................ كل ماهبّت هبوبك فلّها قدر وحشيمـه
.
سامحك من ألف باء الذنب الى مالا نهايه..................... واستباحك عن خطاه وكل طقٍ بتعليمـه
.
يوم قلتي أعطني حرّيتي أطلق يدايه....................... ما ذخر عن وجهك الا طعنتينٍ في صميمـه