|
أصبر ترى بالصبر تدرك أمانـيــك...
لا تفرح إن الوقـت أسعدك وأعطاك * لابــد مـا ســود اللــــــيالي تبكيـــك
دنــــــيا تقلـــب علــهـا مـــاتــولاك * تمسي عزيز وتصبح من الصعاليك إلى أقبلت تخفي عيوبك عن أعـداك * وإلى أدبرت تظهـر عيوبك لأهاليـك اغنم من صروف الدهر كانه امـداك * قبل اللحد عن ظاهر الارض يخفيك وترى التشكي للمخاليق يشــــــنـاك * يحط من قدرك ويفـرح أمـــعــاديـك وكـثر التـشره يجعـل الناس تجـفاك * ولا عــاد تلـقى بيـنهـم من يـخـاويك ولا تمادى في زعل من ترضــــاك * مادام جـاء عاني على شأن يرضيك والـجـاهل احـذر لاتجـادلـه يـبـلاك * في كـلـمـة بين الـمخاليـق تـعـمـيـك والهرجه العوجى لو أنه تنصــــاك * حــاول تجـاهـلها وخــله تـعـديــــك واحـذر تـهـزا يـافـتـى بخلق مولاك * تـشـوفـهـا ياقـرب قـريـبٍ يـوالـيــك ولاتفرح بزودٍ على الحق وان جاك * زودك ترى نفصٍ على حق ذولـيـك وخل القناعه ميزةٍ من مزايـــــــاك * مـع الـقـناعــه كــل شـيً يـكـفــيــك ولاتخـيـب هـقـوت اللي تـهـقـــواك * مادام جاء بين المخاليق ناصيــــــك وان جت لك الدنيا على غير مشهاك * أصبر ترى بالصبر تدرك أمانـيــك لا تأمـن الدنيــا تـرى الوقـت فتــاك * لجا الفـدر كثــر الحـذر ما ينجيـــك |
ام عبدالرحمن صح لسانك
على القصيدة الحلوه ننتظر الكثير من الابداع |
وان جت لك الدنيا على غير مشهاك * أصبر ترى بالصبر تدرك أمانـيــك
لا تأمـن الدنيــا تـرى الوقـت فتــاك * لجا الفـدر كثــر الحـذر ما ينجيـــك الاخت الغالية ام عبدالرحمن لاهنتي وصح الساااااااااانك مليون قصيدة رائعة هادفة تحمل من الكلام اجملة واروعة وفقك الله لما يحب ويرضى ومني لك تحياتي وسلامي |
اللللللللللللللللله بذمتي انها اروع قصيده قريتها في حياتي
كلها حكم صحيح من تشرررره تكرررره احنا نتشره لان الانسان غالي ودنا انه يعدل من نفسه لاكن للاسف انت تتشره منيه وهو يزعل منيه لاااااا وفوق هذا يكرهونك وياكثر ماتصادفني هالمواقف لين عرفت ان من تشره تكره صح الله السان من قالها وتسلمين يام عبد الرحمن علىنقلها ولاتحرمينا من مواصلج وطلاتج علينا |
صح لسان شاعرها ياام عبدالرحمن....
قصيده رووووووعه ... تسلم يمناج ... والله لايحرمنا من جديدج... اختج / مهاوي المطيري...:) |
اغنم من صروف الدهر كانه امـداك * قبل اللحد عن ظاهر الارض يخفيك
قصيدة ملليئة بالحكم والتي لاتحتاج لأي تعليق الأخت الفاضله أم عبدالرحمن: لاأقول الا ماشاءالله مواضيع مميزه. ردود بالقمه. توقيع ولاأجمل. صوره غير. حفظك الله وأدام الله عليك سترك. وننتظر جديدك االجميل. |
عاشق المستحيل سلطان الجبلي دمعة ناقه مهاوي المطيري بعيد الهقاوي الله ينور دربكم قولوا آميييين وابشروا بالطيب.. على فكرة انا ما كتبتها :D جبتها من ارشيفي بالجهاز ولا ادري من الشاعر!!!! |
| الساعة الآن 11:11 PM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
