تكسرت جنحان قلب المعنا =ومات الدويش اللي رفع راية مطير
صقر الصقور اللي خصيمه تثنا=ونصر الضعيف اللي وطاله مسامير
ياأمير حمرا مطير عقبك تونا =وصاحوا على فرقاك يافاعل الخير
جونا جموع مطير منا ومنا =كلن على خده دموعه شخاتير
حتى جبال طويق عقبك بكنا =والصلب والصمان وجبال كشمير
وجبال صبحا بالعزاء شاركنا =وجبال سلمى من وراهن طوابير
مرحوم ياشيخ رحل عن وطنا =عساه في جناة خلد مسافير
سود الليالي عقب موتك كونا =والله يعوض مطير في سالم الزير
عزيت واجب والدموع اذرفنا=وخبر موتك كسر القلب تكسير
بالموت ماتنفع دكاتر فيناّ =ولا طب واشنطن ولاعلاج تخدير
وعيالك اللي شالوا الضيم عنا =وابن الاسد اسد لو توه صغير
ان قلت يامحمد قفز ماتونا =وان قلت يانايف زبون المناعير
وان قلت ياماجد يقول اسفرنا =انا ذراكم عن هبوب المعاصير
إخوان جوزا في ليالي مضنا =مانجحد افعال الرجال المشاهير
وختامها يارب تحسن عملنا =ياخالق خلقه ويارازق الطير
وصلاة ربي عد غيثن تبنا =على رسولٍ فسر الوحي تفسير