شعر مثل يافاهمين التماثيل=كلٍ يجي شعره بحسب اقتداره
من عاش ينظر بالسنين المقابيل=يذوق من عقب البرودة حراره
الطيب يخلق مع قلوب الرجاجيل=ماهوب في بنك التجارة تجاره
والرزق من عند الولي بالتساهيل=ماهوب بالقوة ولا بالشطاره
من عاش في حيله وكذب وتهاويل=ياسرع من عقب الطلوع إنحداره
والشور ماينفع قلوب المهابيل=كالزند وان حرك تطاير شراره
لو تامره بالعدل يعرض عن الميل=يمشي على رايه بربح وخساره
والطبع ماينزال غيره بتبديل=مثل الجدي مرساه ليله نهاره
والحنضله لوهي على شاطي النيل=زادت مرارتها القديمه مراره
هذا مثل يافاهمين التماثيل=كل يجي شعره بحسب اقتداره

هاضني مرقب ٍ عديت في عالي فروعه عصر والشمس حيه=ساقني سايق الاقــدار لين الساق عــدّا براسه من عذابي
هلت العــين في راسه عبــاير وهي مابها لطــم وشـكيــه=يوم شفت السراب ابيض كما القصدير من دون مجلـّـى العذابي
آآه من عبرتن كنيتهـا ماابديتهــا في حشــا قلبـي خفيـــه=مثل عبــرة يتيــم ٍ ينزرونه نزر والنزر هضام الشبــابي
كيف ابنساك ياعجــاب يانهـــاب قلبـي ولاردّه عليـــه=كود يرحل سنام الضلع والا ينبت الشيب في ريش الغرابي