يا فـــــــــــــــــلاح الهم خيم يا فـــــــــــــــــــــلاح
 

يا فلاح الهـم خيّـم فـوق قلبـي يـا فـلاح
كيف تبغاني اسولـف وانـت خابرنـي عليـل
ويش قولك في عليل ٍ في حياتـه مـا ستـراح
تنتثر دمعـة عيونـه لاظلـم الليـل الطويـل
حالته لا ما تباعد حـال ( سلطـان الربـاح )
بالخطا راحـت حياتـه والخطـا مالـه مثيـل
كان ويّا صاحبـه اثنيـن فـي أرض ٍ بـراح
يطردون الصيد دايم من صبـح ليـن المقيـل
اجمعتهم صحبة الدنيـااا علـى جـد ومـزاح
ما يهابـون الليالـي والحمـول اللـي تميـل
ما قتل عامـد ولكـن ثـوّر ابليـس السـلاح
بالخطا ثار السـلاح ويـن يلقـى لـه دليـل
انعقد سجنه .. وربعـه تنتظـر فـك السـراح
والاكيد انه سجين وما رضـووا ربـع القتيـل
هل دمعـه يـوم صلّـى ركعتيـن فالصبـاح
في نهار الجمعه اللي مـن ثقيـل ٍ فـي ثقيـل
هلّل وكبّر .. ونفسـه تذكـر اللـي راح راح
كان في ربعه عزيز .. وذلّـه الوقـت الذليـل
(لا محمد لا تهانـي لا سعـود ولا صـلاح )
كلهم كانوا على بالـه وهمّـه فـي ( هديـل )
طفلـة ٍ مـا كمّلـت عاميـن صايبهـا كسـاح
وانتثـر دمعـه وحالـه مـن سبايبهـا نحيـل
حان تنفيذ القصاص .. وغطوا الراس بوشـاح
وجاك سيّافه يشيل السيف ابـو حـد ٍ صقيـل
ارتخى راسه .. وزاد الموقف الحامي صيـاح
بين نوح وبين دمع وبيـن صيحـات وعويـل


القصيده اطول من كذا
منقول

صح لسااااااااااانك ياسعوووووووود....


قصيده رائعه ......ومؤثره....


وياليت تنزل باقي القصيده..


دمت بخيررررر....

قصيده غايه في الروعه

ومؤثره جدا

يعطيك العافيه ياخوي

دمت مبدع

ولا يهمك اختي مهاوي
هاذي القصه وباقي القصيده
هذه قصيده تحكي معاناة انساااان بسبب غلطه غير مقصوودة انتهت حياته ..

سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..

كان اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..

كانوااا يعشقووون الصيد .. وفي رحلة من رحلاتهم وفي فتره الظهيره ..

كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في

مخزن السلاااح انطلقت الرصاصه

لتسكن في قلب محمد وترديه صريعاااااا ..

ولم يكن عندهم احد ..

وضع سلطان في السجن .. وبدات المشايخ بالوفود على اهل محمد لكي يصفحووو عن سلطان

ولكن بدون فائده ..

وصدر الحكم عليه بالقصاص ....

وبعد التنفيذ .. ومصادفة ً صار قبر سلطان في جنب قبر محمد ..

لا اطيل عليكم .. هذه القصيده بين ايديكم ..

وارتفع صوت الحشود .. وزاده محمد وصاح
يا يبه تكفـى دخيلـك تستمـع قـول الدخيـل
يا يبه وشلون نصبـر كيـف نهجـع بارتيـاح
وانت من دنيااا عيالك ماخـذك مـر الرحيـل
يا محمد .. هاك علمي واحفظه قبـل المـراح
انتبـه لاخوانـك وبالـك عليـهـم لا تعـيـل
والله الله .. فالصـلاة وفالصيـام وفالصـلاح
والله الله .. فـ( امكم ) والله لكم بعـدي كفيـل
غمّـض عيونـه ونفسـه تطلـب الله السمـاح
رافـع ٍ سبابتـه .. ( مظلـوم ) والله الوكيـل
سل سيّـاف الصفـا سيفـه ودقـه ثـم طـاح
راس (سلطان المراجل ) وانتثر دمـه يسيـل
غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )
يا فلاح .. الكارثه ما هي سوالـف يـا فـلاح
خلنـي ساكـت ودوّر غيـر هالقصـه بديـل

مشكوره اختي عذاري
على المرور الجميل
اخوك سعود

طاب منقولك

وبيض الله وجهك الطرح الجميل


صج انها احزنتنا بس جزله

تقبل تحياتي


الملعبي

الجزل وجودك
ووجهك ابيض
اخوك سعود

قصيده مؤثرة <<< بجتني هههههه
تقبل مروري
دمت كما تحب

خلاص ما دام بكيتي ما عاد
بنقل قصيده مثا هاذي
تشرفت بحضورك اختي

يعطيك العااااااااااااافية


اخوي سعوووووود


قصيدة جميلة ورائعة

تقبل مروري ودمت