ما قلت لك يـا ناعـم العـود لا تغيـب= شفنـي وذقـت المـوت يومـك تغيّبـت
تركتنـي بيـن الجـروح المعاطـيـب= وسهـرت عينـي فاللـيـال وتعـذبـت
عزمي وصبري فـي خفوقـي مغاليـب= وأنتـه علـى همـك وشوقـك تغلبـت
واشيـب عينـي يالغضـي آه واشيـب= (توّي شبـاب وبـأول العمـر شيّبـت)
ما غير أعـدي فـي طـوال المراقيـب= وبينـي وبيـن النفـس لمـت وتعاتبـت
من ضيقتي ضلـوع صـدري معازيـب= للهم والـغـم ورداتـــه وللـكـبـت
تاخذنـي ظنـون وهواجيـس وتجيـب= وسـج رجلـي عنـك واقـول جنـبـت
ويردني لـك صـوت بيـن المحاديـب= يا صاحبي معقـول عـن حبنـا تبـت"
لو كنت أسمـع مـن يقـص العراقيـب= ما جيـت اشـره عالغيـاب وتحاسبـت
لكـن انـا نسـل الرجـال الاشانـيـب= اللـي لـهـم فالطيّـبـه زرعٍ ونـبـت
حمـر النواظـر والسيـوف اللواهيـب= هي عزوتي لا حـك عـود وتعصبـت
مسمـع كـلام امنوقلـيـن الاكـاذيـب= اللـي ليـا منّـك سمعتـه .. تعيّـبـت
وإن قلت كل هذا مجامـل ومـن طيـب= ذاتك .. تجاملني على غير مـا جبـت !!
ما قلت غير أعـدل يـا راع المواجيـب= شفني غدى شرّي ومـن جيّتـك طبـت
لا يشـطّ فكـرك .. والليالـي دواليـب= من غبت .. ما شفت المسرات .. من غبت
اشقيت قلبـي بـك يـا سيـد الرعابيـب= هذا وهي غيبتـك مـن سبـت لا سبـت
لك حلّ بين اثنيـن وختـار مـا يطيـب= وبايحك لو في مـوت قلبـي تسببـت ؟؟
أما تجي قدمي على طـول مـا تغيـب= ولا تغيّبـنـي مـعـك لا تغـيّـبـت!!

لكـن انـا نسـل الـرجـال الاشانـيـب=الـلـي لـهـم فالطيّـبـه زرعٍ ونـبـت
حمـر النواظـر والسيـوف اللواهـيـب=هـي عزوتـي لا حـك عـود وتعصبـت
مسمـع كــلام امنوقلـيـن الاكـاذيـب=اللـي ليـا منّـك سمعـتـه .. تعيّـبـت