على الشاطئ
 

على الشاطئ
عـــــــا لبحر وقت السحر والجو هادي
حركتني عبرة الذكرى اللعينة
لين صرت أكتب على الشاطئ وأنادي
يا بحر ما فيه مرسى للسفينة
لين ترجع من على الشاطئ (هنادي)
تستحث الليل لطراف السكينة
جادل (ن) فيها جمال (ن) غير عادي
من ملامحها تقول آه آه حزينة
تعشق زلوان البياض من السوادي
قلبها طيب وضحكتها ثمينة
لو تمر الشيح يشكي للبرادي
وان تمادت بالغنج ربي يعينه
عينها عين أشقر عند الهدادي
لالتفت لصيد نظراته سمينه
عذبتني بالجفا علم (ن) وكادي
لين صار البعد تطويني سنينه
جادل (ن) تهوي التحدي لعنادي
و إن صبرت لصدها وصارت غبينه
لين مات الجمر في حضن الرمادي
واعترى ثوب الجفا وحه المدينة
قلت أبرحل سامحيني يا بلادي
ببتعد عن لاهب الشوق وحنينه
قالت ارحل بس لا تنسى ( هنادي )
قلت هذا اللي يزيد الطين طينه
للشاعر / علي البورعي

مشكوووووووره اختي بنت مطير..

على القصيده المميزه..

تقبلي مروري..

دمتي بوووووووود ...

يعطيج العافية ريمووووووووو على المرور
نورت الصفحة بوجودج
يسلمووووووووو خيتووووو

يعطيك العافية يكيفي جبلي
وربي نورت الصفحة
يسلمووووووو خيووووووووو