::منتدى الجبلان الرسمي:: - يااااااااااا ليـــــــــــــــــــــــــــــــت

السلام عليكم
بصراحه هذه اول مشاركه لي وحبيت تكون في الشعر
علشان كذا اخترت لكم هالقصيدة واتمنى من الله انها تعجبكم
يا ليت
ما عدت أنا والشعر ربع ولا أصحاب
ما عدت أبيه ولا أظنه يبيني
للشعر باب وصك في وجهي الباب
وبان انكساري في ملامح سنيني
يا ما فقدت أحباب وخانوني أحباب
أسكنتهم قلبي وعضوا يميني
من ظلمهم ما يحتمل شعري كتاب
وتغلبني الذكرى وأنا اهزم حنيني
كنت أرسل أشواقي لهم دايم أسراب
أسقيتهم دمي ومن ماي عيني
كانت رموشي ستر وضلوعي حجاب
قدمت قلبي في وسط راحتيني
لهم حفرت صخور وأطعمهم أعناب
اضحك لهم والحزن ساكن جبيني
وفجأة صحيت وشعر راسي أنا شاب
من صدمة اللي رفعتهم يديني
وأمسيت أشيل هموم والهم غلاب
والفرح وينه عن حياتي و ويني
ومن يومها والقلب من ها لشعر تاب
لأني نخيته بس ما حس فيني
كنت الطفل والشعر لي كومة العاب
كان الوحيد اللي يحس بونيني
يا ليت شعري وقت ما احتاجله طاب
ليته فهم قصدي وريح أنيني
ويا ليت برد حرة ضلوع وأهداب
وليته مثل أول يجي يحتويني

منقوله من
أمواج الصحاري

وان شاء الله تعجبكم