::منتدى الجبلان الرسمي:: - قصيدة في الدكتور خالد بن عبدالله الشبانات

أبتدي بك ياإلهٍ ما على عرشك عروش
يا منادٍ عبادك بالمساجد للفلاح
وعّد الأشعار به صافي وبه عّد مغشوش
وأحمد الله لا وردت أرد على عدٍ قراح
كل جزله عليها شعر رأسي يشوش
مثل ما شاش أخو نوره فهد للصباح
أمدح الطيب وأعزه ولا أعز الكدوش
والمدايح بالمبدل حكمها ما هو مباح
وراكب اللي صانعينه قدم عهد بوش
شع نوره شعاعٍ مثل نور الصباح
كابرس ما هو من يدين السفيه مخروش
وردوه امريكا وخزن في صالات الجماح
فزته يوم سواقه ينوش البنص نوش
فز ذيبٍ نواله فز مهجاد المراح
مزبنه شيخٍ دلاله فوق ناره تغوش
للمسير والامات وهيلهٍ للضيف فاح
مزبنه خالد الزيزوم مزبان الطروش
فزعة اللي من زمانه ضاق صدره مااستراح
هيلعٍ يمينه للمراجل تحوش
كلمته للمسير واجبك ياضيف طاح
فدوته خبلٍ غدى عمره يحسّب للقروش
ما حسب للمواجيب ويدينه شحاح