يا صاحبـــي اعقل ولاتفســّــــر غلط=لا لا تسامــــحني أنا مانـــــي غليط
مــــــزحه وزلّت وناقصــــــها نقـط=لو كـنت قاصــــــدها حطّيت النقيط
يشقى بها راعـــي النوايا اللي خرط=والخاتمــــــــة فيـما ينولـــه خريــط
أحــد تسلى بها وغيره لمعناها زرط=الله يجازيهــم علــى ضحك وزريط
مانــي قلّيل شـــر كانك مــن شرط=ولا انته بفاعل خير لا قصّ الشريط
المرخــــي أذنـــه لكــل بــقاط بقـط=يضــــرب ويطـرح ويجمعها بقيط
الحق يغري صاحبه ويعطيه السلط=ما أحــد يلومـــه علــى لسان سليط
أحــد يخيّر ضايفــه بأنـــواع السلط=وأحد ماغير قريص مدهون بسليط
أحــــد تلاقـــي فــى ضيافته العبط=لاقـــدم الشاهــــي قدوعـــــه عبيـط
ومّبهراتــــه فوحـهن فيـــــه العبط=تــحتار فيــــــه دليـــــخ ولّا عبيـط
مـــع ذا تذاكـــى لين شغلـــــه زبط=يعني غبي سوى ذكي صارت زبيط
فــعله جـــزل ولا قـــال زجــله نبط=والخافــي أعـــظم كان جاب النبـيط
هـــو راعـــي العشوا يقلّدهــا وخبط=ودّك يـــداوى بالتصـــــدي والخبيط
معناي كانـــه فـــي الموصّـف فرط=يستاهل الحرفين توضــــع قبل أيط