::منتدى الجبلان الرسمي:: - خالد الديحاني و بدر الحجازي

السلام عليكم ورحمة الله وبركاته

هذه محاورة بين الشاعر بدر الحجازي

و الشاعر خالد الديحاني
والبداية عند بدر الحجازي

المعيلي لو دفن جرته واخفتـه الليالـي
ما يجيب اعلومه الا مري ٍ قصاص جره
فالملاقى ما عرف جدي ولا عمي وخالي
كل خصم ٍ فالملاقى مونس ٍ فالتسبد حره

خالد الديحاني

المعيلي في زمانه ثابتـن مثـل الجبالـي
والجبل ثابت محلـه ماتحركـه او تفـره
الهروج اكثار مار الفعل يالصاحب محالي
والكلام الي يقوله ردهـا ماظـن يسـره

بدر الحجازي

الجبل فوق الثرا وانا سوات النجـم عالـي
وانت تجهل فالكواكب واستـدارات المجـره
وابك انا لو ان لاحق عصر ابو زيد الهلالي
كان اخذت الصيت واسمي فالزمن ثابت مقره

خالد الديحاني

تظهر الشمس ويغيب النجم قدام الرجالي
مير خلك في لحونك والحن من فمك جره
فعلكـم قـدام خالـد مايساويلـه ريالـي
احذر احذر يابدر جيبك من الغبن ابتطره

بدر الحجازي

حكمة الله كل مشرق شمس يقفاه الزوالـي
مير حب خشم الحجازي قبل لا يلحقك شره
هرجتك هرجة غشيم ٍ يجهل افنون القتالـي
ما تخوض الحرب لوَ ادربك تسعين مـره

خالد الديحاني

كيف تهرج من لسانك قوليلي يابن الحلالـي
منتـه امسـوي سـوات الشايـب ولله دره
خابرك يارجل زين احذر تطيح امن الطوالي
واي واحـد وده ايخاصـم معيلـي ابنكـره

بدر الحجازي

جيب خمس انفار ولا عشر واجيكم لحالي
لجل كل خصم ٍ آحط الكحل في عينه واذره