|
قصيدة القوافي لشاعر : عبدالكريم البتال الجبلي
يسم الله الرحمن الرحيم اليوم جبت لكم قصيده للشاعر المبدع دائما ..عبدالكريم هادي بن بتال الجبلي المطيري,, يـــقـــول فيـــها..,: يامسـا خيـر القصيـد اليـا تقهويـت القـوافـي في مسا طلـة جبينـك شاعـرك راعـي طويلـه ماثنـى ساقـه علـى درب(ن) يسمونـه عوافـي ضاري(ن) متنه علـى شيـل الصعيبـات الثقيلـه يفرق سمـان القصايـد عـن مداهيـل الضعافـي لابـدا الـلازم ينومـس موقفـه فـوق الكحيـلـه علم اللـي مـادرى عنـك وعـن ذيـك الخوافـي لايهوز الصعـب لاشـاف الدهـر يومـي شليلـه ثبـت المعنـى علـى قلـبـه وقـلـه لايخـافـي مابقـا غيـر الكديـش يسابـق الخيـل الأصيلـه لايجي يرعى حلاله فـي طـرف ذيـب النوافـي وأن تهقـوا فـي يميـنـه مايـهـز ألا صميـلـه قدمه ارمـاح(ن) ليـا ركـزت وذاهـا مايشافـي ياقليلـه ماسلـم مـنـه ولــو حـاجـه قليـلـه تلبس الدنيـا علـى قـد المواقـف ثـوب ضافـي كـل ماهبـت هبـوب الريـح ترقـص وتعنيلـه خيرة الطيـب علـى ربعـه ليـا سمـي سنافـي أبرك من اللـي ليـا مـن شيـف قالـو عزتيلـه والله أعلم من يحـث الخيـل فـي صـدر الفيافـي حزة(ن) فيها العـذارى ترفـع الصـوت وتشيلـه والعـزاوي تلفـح بجنحانـهـا والـبـرد دافــي والهـقـاوي ماتخيبـهـا زحـازيـح القبـيـلـه وأنـت خلـك بيـن كفينـي مـدام الجـو صافـي وأزهل صـدوف الليالـي لا قـدح خشـم الفتيلـه لايهزك خوف لـو انـك تـدوس المـوت حافـي في ذرى الله ثم ذرى صـدري تهـون المستحيلـه شاعـرك لاسرمـد الليـل وسـرا ماقـال كافـي راقـي العليـا وخطواتـه وطـت راس الطويلـه والله أن اردى فعايـل كـفـه الملـيـان وافــي والفخـر لأهلـه وغيـره جالـب لربعـه فشيلـه أرقد وريـح ضميـرك وأستـرح والنـور طافـي ألتـوى راسـك علـى جيـدك وغطتـه الجديلـه ياحبيبـي وأخـر اللـي صـار ابقـول اعترافـي دامـك أدرى بالسوالـف كلهـا ويـا الحصيـلـه جنـة العاشـق لقـا وألا القهـر نـار التجـافـي بس أنا للحين مادري جيتي لك ويش هي له !!!!؟؟؟ وسلامتكم واتمنى ان تنال بأعجــابــكم اخوكمــ..الخيالـ.. |
جنـة العاشـق لقـا وألا القهـر نـار التجـافـي
بس أنا للحين مادري جيتي لك ويش هي له !!!!؟؟؟ يا سلام يا سلام . . صح السان ابو بتال مليوووون . . والله لا يهينك يالخيال على نقل القصيده . . واتمنى تجيب لنا جديد ابو بتال . . منتظرين ابداعاتكـ . . ! |
|
صح السانك يابوهادي يستاهل الصميدع هزاع القريني
مشكورع القصيده يالخيال |
صح السانك يابوهادي وعبدالكريم شاعر مبدع
وتسلم علي القصيده يا ا _ل_ خ_ي_ا_ل |
صح بدنكم ولاهنتم على مرور الطيب |
صح الله السان الشاعر عبدالكريم
شااااعر راااااااااائع اسم سيبقى مخلد في ذاكرتي عبدالكريم البتال واسجل اعجابي بقصائده |
صح لسان الشاعر عبدالكريم البتال و تسلم يمينك يا الخيال علي هالنقل
ماشاء الله عليكم يا البتال كلكم شعار الله لايفرقكم يارب |
|
اخوي الخيال ردا على ماجاء في رسالتك الخاصــــــه
اشكرك انت جزيــــل الشــــــكر الي نقلت قصائد رائــعه وجزله لشاعر واااعد وجزل ويشرفنا ويسعدنا نقل قصائده لنا وهذي حقيقة بحق االشا عر عبدالكريم البتال بالفعل شاعر جزل وقصائده جزلــــــه واحنا الي نشكره على هالابداع واتمنى ان يخلد نجمه في سماء الشعر ساطعا واتمنى له التوفيق مـــنـــــــــي ارق التحايا لك وللشــــــاعر عبدالكريم البتال |
| الساعة الآن 11:00 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
