يقول بن جبرين.. والطنخه زايده
 

مبارك عليكم الشهر وتقبل الله طاعتكم













قصيدة على البحر الهلالي








ارجو ان تنال اعجابكم




















يقول بن جبرين.. والطنخه زايده

لا ضاع راس المال.. لا ترجي فايده



وصل كلامي للي عزَته بجدوده

يوم إنَه جدوده على القاع سايده



انا خويَ لا عوى.. جيت طايله

دونه نحر.. دونه مناعير بايده



أفك لحية صاحبي لو هي ناشبه

وأدعس على جندً وألحقه قايده



يا صاحبي وقت الرخا شوف غيرنا

وفي وقت صياح الوغى.. لك زنايده



ياصاحبي إزهم خويَك وشوفني

درب المراجل.. خطوتي فيه كايده



مثلك فلا ينضام.. والطيب ساسكم

انا اشهد إن الطيب طيرك وصايده



ولاَ الردي قاعه تجي دوم ممحله

ولا ثارت الهيجا.. يكبَر وسايده



يفداك من غدراته بأصحاب وافره

وتفداك قومً بالنميمات جايده



يا صاحبي النفس تاخذ نصيبها

وراع الوفا دوم الوفا من عوايده



الحر شايم نفس.. عايف نطيحها

والحر مثلك عز نفسه طرايده



إما تجي مثل الجدود اللي الأدبرت

وإلا تجي مثل اللي علَق قلايده



الناس ما ترحم.. با مكثر جحيدها

وربك كريم.. وكل رجواه فايده

محمد بن جبرين
أستاذ الشعر
ما شاء الله عليك يابو مزيد
مبدع دائماً وصح الله لسانك
مليون ولا يكفون على هذي الأبيات
وأرفع الراية وإلى الأمام يا محمد

صح لسانك يابن جبرين

تسلم يمينك على الابيات الجزله بارك الله فيك

تحياتي لك بود

صح لسانك يابن جبرين

تسلم يمينك على الابيات الجزله بارك الله فيك

تحياتي لك بود

صح لسانك يابو مزيد
ومبدع في كل حالاتك,

وودنا نشوف قصايد غزلية , لأن اللون الغزلي دائما لون جذاب لكل الطبقات

وانت تمتلك مردات عذبة .
يعطيك العافية لاتحرمنا من تواصلك وجديدك.

صح لسانك ..ولاهنت

بارك الله فيك

صح السانك وباارك الله فيك يا بن جبرين

صح لسانك يو مزيد ولا هنت على الابيات الجزله