|
قصة الازيمع والشمريه...
هذي قصة قديمه جرت من نوع المساجلة والمداعبة وهي ان الشاعر مطلق الازيمع الجبلي رحمه الله كان يكثر من شرب الشاي
واخيرا أشار عليه احد اصدقاءه بعدم شربه لانه يشربه وهو جائع وتراجع عن شربه وصار يشرب الحليب.. وفيقول الازيمع في قصيدة طويلة بان الشاي ليس فيه زود.في هذي البيتين: الشاي خليتـه ولابـه لنـا زود ^^^ ولاضنتي من داخل السوق نشريه خله لمن قرنه على المتن مرجود ^^^اللي حماره بأم عـروه تراعيـه @@ فالشاعره جوزا بنت جا الهمزاني الشمريه عندما صلح اخوها القهوة والشاي وصبلها الشاي قالت على سبيل المزاح ان الازيمع ترك الشاي ولازم اني اتركه فعلم الازيمع بما قالت فقال: يا راكب اللي كن فيها اجفالـي ^^^ ولد القرى ماهزعه مع سوانيـه سلم على جوزا سلامي زلالـي ^^^ بنت الذي يثني على الجيش تاليه يا بنت شربك من حليب المتالـي ^^^ ولا الورق يقزي عن النوم راعيه لا تشربينه يا عيـون الغزالـى ^^^ الا بياضـه سكـره ناقـع فيـه حليب من يرعن بقفر الدحالـي ^^^في خايع نوار الازهـار حاليـه @@ يوم سمعتها الشاعره جوزا اجابت على ابيات الازيمع بالابيات التاليه فقالت: يا راكـب حمـرا زهـت بالدلالـي ^^^ تمشي نهـاره واول الليـل تسريـه تجفل اليا هز العصـا فـوق عالـى ^^^ وتسبق جديد الهاف لو هـي تباريـه تصب على الممشى ومس الحبالـي ^^^ وماتاه مـن قلبـه واعيـرف تعديـه سلم علـى مطلـق سـلام الكمالـي ^^^ لاتوقفه دون الازيمع تبديه مطلق اليـا عـدو علـوم الرجالـي ^^^ يكسب مديح كل مـا حـل طاريـه تلقـاه فـوق الـزل عنـد الدلالـي ^^^ وقله وش اللي صاير عاف شاهيـه تقـول يكفينـي حليـب المتـالـي ^^^ وان كـان عفتـه يالازيمـع نخليـه تمر الحسـا يكفـي لذيـذ وحالـي ^^^ وانا ترى الشاهـي تركتـه ولا بيـه لا واهنـي مـن جـدده بالمجالـي ^^^ يرجـع شبابـه يـوم كـل يراعيـه @@وارجو انه يعجبكم هالموضوع@@ وشكرا ----------------------------------------- |
----------------------------------------- يا مال العافيه يا عيار الجبلان .. صح لــســـان الشاعر مطلق الازيمع .. ولا تحرمنا مواضيعك الرائعه .. اسمح لي طال عمرك بتنسيق القصيده تقبل مرورىى |
لاهنت على تنسيق القصيده ويا هلا وغلا فيك وبيض الله وجهك على اهتمامك
|
الله لا يهينك يا عيار الجبلان
وأشكرك على النقل الجميل |
هلا والله أخوي النداوي
ولانت يالغلاا لاهنت علي مرورك الكريم |
يعطيك العاافيه .. يا عيار الجبلان
لا هنت على موضوعك الرائع |
منقول رائع جدا
صح لسان الشاعر][ الازيمع][ &][الشمريه][ ولاهنت اخووي على النقل المميز |
بيض الله وجهك اخوي عيار الجبلان
على ايراد القصه والقصيده لـ جدي الله يطولنا بعمره اخوك فيصل ابن عبد العزيز بن سالم بن مطلق الازيمع |
قصه وقصايد اكثر من رائعه
شكرا لك اخوي عيار وصح الله لسان الازيمع والشـــمريـه ولاهنت ياعيار |
بيض الله وجهك اخوي عيار الجبلان
على القصه والقصيده الــــــــــــــــرائــــعــــه اخوك for_305 |
| الساعة الآن 04:34 PM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
