::منتدى الجبلان الرسمي::

السلام عليكم ورحمة الله وبركاته

ه
احب انقل لكم قصيدة للشاعر الكبير محسن الدويخ (بوفهد)

يخاطب فيها ابنه فهد

وافتخر انا شخصيا بهذا الشاعر الاكثر من رائع بشعره وبأخلاقه الطيبه

واحب هذه القصيدة كثيرا

--[size=5]يا فهد مزن القوافي انهمل وانساب سيله

؛؛؛؛؛؛؛له ثلاث عقود يرجد ويتزبر لك خياله

يافهد راح الكثير ومابقا الا قليله

؛؛؛؛؛؛؛مد لى كف المواصل دام مافيها اطاله

شاعر ٍ لاضاق باله ضمتك تشفي غليله

؛؛؛؛؛؛؛يمتلي قلبه سعاده لا حضن اكبر عياله

يافهد الله ولا غيره شموخك ينحني له

؛؛؛؛؛؛؛لا تفكر تتبع الدنيا و تقطع في وصاله

اعظم الغايات جنه والصلاة اعظم وسيله

؛؛؛؛؛؛؛وفتنة الدنيا مصيبه تشغل المسلم وباله

يافهد تبذر يأرض ٍ بور ..تحصد لك فشيله

؛؛؛؛؛؛؛وان مشيت بدرب فااااسد من ضلاله ...في ضلاله

لا غلطت ارفع يدينك بالنهار وكل ليله

؛؛؛؛؛؛؛عادة المسلم يخص الله ويطلب فى سؤاله

اسمها توبه نصوحه تنقذ النفس العليله

؛؛؛؛؛؛؛حد علمك بالذنوب وباب تدخل من خلاله

رافق الطيب ترى الرجال دينه من خليله

؛؛؛؛؛؛؛واتعس الصحبه تصاحب شخص لو طيب بماله

يافهد ومطير (حمران النواظر ) لك قبيله

؛؛؛؛؛؛؛اشهد انك طيب المذهب الى حد الثماله

لك رجال افعالهم فى نجد تبقى مستحيله

؛؛؛؛؛؛؛و لا عليهم لا بدا اللازم صعوبه واستحاله

طالع بعينك وقلبك شوف هالشمس الاصيله

؛؛؛؛؛؛؛عاشت بعز المطيري واستدارت فى مجاله

تنتهى خلف الحجاز وتنولد فوق المسيله

؛؛؛؛؛؛؛هى شروقه هي غروبه هي جنوبه هي شماله

من دخل داخل حمانا اصغر مطيرى دخيله

؛؛؛؛؛؛؛ومن حسبنا فزعة ٍ له ماحسب نفسه لحاله

القبايل طيبه والحق هو راس الفضيله

؛؛؛؛؛؛؛كلها ادت على وضح النقا اشرف رساله

سجلت فى صفحة التاريح افعال ٍ جليله

؛؛؛؛؛؛؛وين مالديت عينك صفحة ٍ تنضح جزاله

ٍيافهد لا تترك التاربخ يرحل في سبيله

؛؛؛؛؛؛؛ارتباطك فيه يعنى ...ارتباطك بالاصاله

وسلامتكم جميعاااا[/size]