|
لا تحسب ان دمعي نـزل دون سبّـه...!!
ليه المسا عـوق الشقـاوي وطبّـه؟ وليه الهبوب تصحي القلب لا بـات؟ وليه القمر يدعـي جريـح المحبّـه؟ ويقول له يا هيه..ما فات ..ما مـات جرحك ظهر لو قلـت للوجـه خبّـه وللحزن في ضحكك رسوم وعلامات وليه المطر بالذات ريحـه.. وصبّـه كنّه رسول بيـن الاحبـاب بالـذات؟ اشتـاق فـيـه لشوفـتـك واتنـبّـه للي نسيتـه مـن مواقـف ونظـرات لا استانس الخافق ذكـر مـن يحبّـه ورجع يراجع فالوناسـات مـا فـات يا مرتـع القلـب الحزيـن ومربّـه يزيين بك مثل الذهب صدر الابيـات هيهات ينسى القلب شخـص ٍ لعبّـه وهيات يدله خاطـري منـك هيهـات سبك مديـح .. ومـدح غيـرك مسبّـه تقول واذني صوتها تقول لـك هـات ونبع الغـلا عنـدك وعنـدي مصبّـه ومن الولا .. في خافقي لك ..ولاياات وطيفك حطب عيني..وعينـي مشبّـه والشوق برد ٍ ما انقطع لو للحظـات ومكانك الصدر ولـك القلـب شبّـه بين الضلوع اللـي فردهـا التنهـات ولـك بيـرق ٍ فالقلـب حبـك يهبّـه شامخ ولا هزه مـن العـذل غـارات محبتـك فالوقـت ذا مــا تشـبّـه الا بخيمـة بـدو بيـن العـمـارات ان شفتني ضايق واهوجـس واسبّـه اخاف غدر الوقت.. والوقـت دورات لا تحسب ان دمعي نـزل دون سبّـه ابكي من الفرقا وهـي مابعـد جـات الـيـوم كــل امورنا..مستـتـبّـه وبكره ماندري وش معه من مسـرّات اربّ قلبـك مـثـل قلـبـي اربّــه ما يخلفه كثـر العـذل.. والمسافـات الشاعر:محمد بن فطيس أتمنى تعجبكمـ |
تسـلـم عـلـى آلإبيـآت آلـرآئـعـه ..
تـقـبـل مروري .. |
الله يعطيك العافيه على الاختيار الجميل , , ,
صح لسان بن فطيس , , , تقبل مروري وفائق الاحترام والتقدير , , , |
اكبر مكسب
من برنامج شاعر المليوون هو ابن فطيس دااهيه الشعر واعذب الشعراااء اختيار جميل ولو انه تكرر بهالقسم لكن جمال هالنص يجعله جديد في كل مره صح لسان شاعرها واحسااسك فهد |
ياااامرحباااابكم جميعااا واشكركم على المروور الطيب
|
الله الله يابن فطيس
لاهننننننننننننننننننننت يافهد على النقل وابيض وجه تحياتي لك |
شآعر المليون طلع شاعر واحد فقط لحد الان !
هو محمد أبن فطيس .. صح لسانه .. لاهنت لاهنت لاهنت |
ياااامرحباااابكم جميعااا واشكركم على المروور الطيب
|
لا تعليق
لان هالقصيده اذا قريتها ........ تحطمت اختيار صعب جدا جدا .. وما يقدر عليه الا انت :) مشكور يا فهد اللويمي |
يااامرحبا بداااشه عرض واشكرك على مرووورك الطيب
|
| الساعة الآن 10:42 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
