|
محمد جارالله السهلي x تركي الميزاني
محمد... سلام الله من بحر الكويت اليا بحر جده يساق لتركي الالفين والزلات محظوره يقولون العرب مايرتكي للحمل والشده يا كود الا ولد عم الكرم وبناخي الثوره تركي.... هلا يامرحبا والارض طول وعرض ممتده تقدم واستلم والصوت يحكي واقع الصورة يا جارالله نصاب السيف يثبت مافعل حده مثل ماقالوا العريـف كـل يحتمـي دورة محمد... يدوم لك البقا وافطن ترى الهجمات مرتـده على طاري هل التصفيق والتشجيع والكورة وعقب دارت عليهم والزناتي بيحـوا سـده اقول الحكم بعد الله لأخو مريم وأخونـورة تركي.... الا يالاعب الموهوب لا تامن من الصده يمررها عليك الوقت والاوضاع مستورة والا ياكثر من ترسم يدينه في طرف خده ومهما تخفي الدنيا بيوت العز معمـورة محمد.... امور اثارت النزعات وموالف هل الـرده وظيفه فيصل القاسم وطبع ايمان بنـورة وأنا اشوف أكثر عيال العرب وده ولا وده تبث أخباره صحون الفضا لعيون جمهورة تركي..... يا ستر الله رفيقي صار من قده ومن قـده وأنا ما اعاتب الخفجي لخاطر رأس تنورة يا جارالله ترى المقبل من الايـام مسـودة يجوز انك ماتلقى لك قمر تمشي على نورة محمد.... ياوجه الله ولاتفرح لابـد الوقـت لابـده يجرب نكبه الامواج بشراعـك وبابـورة وأنا معجب ببو الطيب وأثر تركي على حده ولكنه ليا سمع المنـادي خانـه شعـورة تركي.... ليا هب الهوى دور جبـل يذريـك فـي سـده محملك الزمان أحمول ماهـي منـك معـذورة ولا تامن عيـال الـداب مهمـا طالـت المـده ترى صورتك وسط ( المختلف ) زينه ومشهورة - - - - |
طواريق رائعة وأستمتعنا بها
ويعطيك العافية ولاهنت |
لاهنت علي النقل
صح لسانهم |
شاب ضوه , , ,
لاهنت . . . على طواريق الجميله وصح لسان شعار , , , تقبل مروري وفائق الاحترام والتقدير , , , |
الله يعطيك العااافيه شاب ضوه
لاتحرمنا ابداااعك ولاهنننننننننننننننت |
اخواني / فهد عيد وسعود بن لامي ومحمد بن حلبيد وفهد اللويمي اشكر لكم اطرائكم وتعليقاتكم الجميله والمحفزه |
مشكور وما قصرت
خوش طاروق دمت بعافيه |
لأهـنت على هـ آلنقل آلـطيب
وصـح آلسآن آلشعـأرٍ ماعليهم كـلأم مبـدعين تقـبل مـروري |
الله الله
شـآب ضوّه لاهنت لاهنت .. |
| الساعة الآن 10:53 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
