|
طواريق شاعر المحاورة الأول في منتدى الجبلان ( هزاع المهلكي )
لتلبية طلب الاخوان في اداره المنتدى وضع لكم هذا الموضوع هنا مع الشاعر فارس نجد وهو الشاعر / مقعد الدغيلبي فارس نجد من هجوسٍ وافيه والليل ياهزاع توه ياسلام الله سلامٍ خارج حدود الصداقه المطيري تالي الهجره مسويلي فتوه بس قولوووله يبل الراس لمواااس الحلاقه هزاع المهلكي المطيري دام ماتدري يافارس نجد وش معنى الاخوه ياهلا يامرحبا ترحيبتن فيها انصفاقه المطيري تالي الهجره صمخك بكل قوه شفت يافارس عريب الساس تاليت الحماقه فارس نجد سو ماتقدر عليه انكان عندك شي سوه العلاقه مع سواتك لعنبوها من علاااااقــــه كيف تصمخ وانت ياهزاع رجالٍ مشوه بالرواقه طيع شوري يالمطاري بالرواقــه هزاع المهلكي المطيري تو هزاع المطيري فوق خصمه شب ضوه ومعك ومع شرواك والله ماتناسبنا الرفاقه ايه يصمخك المطيري يالخبل لازان جوه جبتها من فوق راسك والسبب كثر الطفاقه فارس نجد احمد الله واشكره مابيني وبينك عنوه العلاقه لو يعيش العمر معروفٍ علاقه انت ودك بس ماعندك على فارس جروه استرح والا عطوني من خيار الورد باقــــه هزاع المهلكي المطيري شد حيلك واسر ليلك ثم ضو الشر ضوه مايشيل الجايره ياهيه ابو عضامن دقاقه مير طو البيت عنا ياقليل العرف طوه ما نبا جيرة خبيثن صار تال الوقت عاقه فارس نجد انت خاضع بالغصيبه لاتصيح ولا تنوه ذوق سمي والنهايه يالمطيري فالذواقه الحقيقه تو دريت انك يابو عرام بوه واحدٍ شرواك من حملي يطقق عظم ساقه هزاع المهلكي المطيري ماخضعنا غير لله ياقليلين المروه اتسمع في هدير بعير لكن شفت ناقه كل ماجالك مريض الراس وسط الراس كوه طاقتك راحت وانا معيه على شرواك طاقه فارس نجد كان ماتدري ترى حنا خوالٍ للنبوه وانت ياهزاع سموك العرب دلخ وشقاقه الرعود الي على راسك تدندن وسط نوه طلعتك من السعوديه وودتك لعراقــه هزاع المهلكي المطيري كيف تكذب خاف ربك كيف صارت لك جروه المنافق ياعسى ربي يخارج من نفاقه انتم انتم والنعم لكن قليلين الحموه كل منكم مخلفن وجهه على كرت البطاقه وهنا مع الشاعر /ضويحي العماني بعد احداث شاعر المليون الاخيره هزاع المهلكي المطيري سلام الله سلام(ن) يبتهج من مبتداه قلوب وريح المسك والكادي محيطاتـه تعجبهـا ابا اسوق المطيه لين تبدي عالي المشذوب تزرفل بالحموله والحبل من فوق غاربهـا ضويحي العماني هلا يا مرحبا ترحيبة ٍٍ ما تخلِف الماجوب على سَلم الحرار اللي عريبات ٍ مناجبهـا يا هزاع المناوي سلعة ٍ ما توفي المطلوب تشرّقها على مـد النظـر والا ّ تغرّبهـا هزاع المهلكي المطيري مدام الشعر اله عندك مكانه عاليه واسلوب كسبت النادره والنادره عادتـك تكسبهـا بلشنا في قضيه ترتجف منها دول وشعوب قضيه مبهمـه مابيـن قاريهـا وكاتبهـا ضويحي العماني الا يالشاعر اللي لك مقام ومنـزل ٍ محسـوب عوايـد دورت الايـام ماتصفـي مشاربـهـا تثور ابنا الفتن يا صاحبي من كل حدب وصوب ونيّـات الصـدور الله يعلـم وش مغايبـهـا هزاع المهلكي المطيري ذكرنا اللي ذكرنا وابتدا مشوار ابو يعقوب سنا شمس الحقيقه تعجز الانذال تحجبهـا جمال البدو في حكمت بعير البدو ابو لغبوب وابو لغبوب مايدري بمشرقهـا ومغربهـا ضويحي العماني يا حمران النواظر شمسكم مانورها بمحجوب ولكن البـدو عيّـت تعلّـم مـن تجاربهـا ولا ينلاّم في ما صار رادار الوهم والطـوب يغفر قصورها يا خوك مـن دوّر مكاسبهـا هزاع المهلكي المطيري على هونك توقع والمطيه ديسهـا محلـوب على خمس الاصابع طاوعت مع غير حالبها نشدتك ياضويحي قلت فنجال العرب مشروب ليا حمي الوطيس وشبت الفتنـه شبايبهـا ضويحي العماني أصدد عنك وأكسيها من ثياب المعاني ثـوب وأشوفك يأخطل اليمنى تبي تفضح معايبهـا يأهل عبدان ما بحر الهلالي مطابق المسحوب ولكن ما كتب ربي علـى الاجـواد صايبهـا هزاع المهلكي المطيري على كيفك تصرف يا مجمل وجهها المشحوب تزينـهـا نزينـهـا تخربـهـا نخربـهـا صحيح انتم صبرتو فالليالي مثل صبر ايوب وضاقتبك حجاز الخير مـع نجـد ومناكبهـا ضويحي العماني يا هزاع المطيري ما تضيق الاّ علـى المغلـوب ويمنى ً خالقـك فـي عونهـا محـد ٍٍ بغالبهـا ويوم انها على اولها .. قبل ذا الزيف و الملعوب وحنّا أهل القسوم اللـي سوانـا مـا يفوزبهـا ودمتم بكل خير |
مشكور يا هزاع على الطرح الراقي
شعااار مبدعين وطواريق كايفيه دمت مبدعاً اخي |
صح لساااااااانك
والله يبيض وجهك طاال عمرك ولاهننننننننت |
صح لساااااانك
ياهزاااع وتم تثبيت طواريقك ولاهنت |
صح لسانك ملااااااين يا هزااااااااااااااع المهلكي
كفوووووووووووووووا والله كفوووووووووووووووووووووو يا شاعر المحاوره الأول في منتدى الجبلاااااان |
بيض الله وجيهكم
والله يعطيكم العافيه ومبروك يا هزاع اللقب شاعر ومبدع وبيض الله وجههك |
صح السانك ياهزاع
|
صح لسانك , , ,
ولاهنت . . . بارك الله فيك وطواريق جميله جداا وبالتوفيق , , , تقبل مروري وفائق الاحترام والتقدير , , , |
صح السانك ياهزاع المهلكي00000
تستاهل الوسام وتقبل مروري |
صح السانك
وعساك علي القوه |
| الساعة الآن 09:47 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
