من عذر عيني ولو هلت عبايرها = من عذر قلبي ولو انه نزف دمّه
مغرم وروحي عظيم الشوق دامرها = وحالي من البين والهجران منسمّه
والقصه اصلا من أولها اليا اخرها = اصعب من الشرح والتفسير ومطمّه
بقولها وانت يامشكاي فسرها = ودور لها حل يافزعة بني عمه
جتني وانا اجامل ايامي واقزرها = وقلبي من الحب ما عمره شكى همّه
وفجت ضلوعي من اصغرها اليا اكبرها = ودلت على القلب غصب ووردت الجمه
واعذرت في غيرها لعيون خاطرها = امشي على كيفها مدري عن اليمّه
وهالحين شفني ما غير اسأل وادورها = ماكني الا الغرير اليا فقد امّه
قولوا لها بس ترجع لي وعاذرها = تراي مازلت اشم الطيف واضمّه
ولعيون بنت الزعيم وشوق شاعرها = والله ما جنب يا بو ماجد عن القمة