|
محاورة (رشيد الزلامي,وعبدالله العير)بديار عتيبه@
هذه محاوره للشاعرين : رشيد الزلامي وعبدالله العير (رحمه الله)
عبدالله العير : سلام يا اصحابنا اللي جيتهم بالوعد=وانا لياجتني الدعوات لبيتها اصفى سما نجد لابارق ولامن رعد=وانا لمحت المزن ورعودها اوحيتها رشيد الزلامي : الله يحييك ترحيبٍ بليا عدد=قدمك رجالٍ ترحبك ليا جيتها بس المصيبه تجيهم وانت مامعك احد=قامت بك الارض واشتغلت عفاريتها عبدالله العير: البارحه يارشيد وليت الاول بعد=وشلون حال الجماعه يوم مريتها حنّا طراقي ولاحنّا من اهل البلد=لكن دعوتك هذي تعرف بويتها رشيد الزلامي : ان كان تنشد جماعتنا بحال السعد=ومطير ماهي على الدرب وتعديتها وش رايكم في عجوز بليس جابت ولد=واليا اسر الله ضحكتك وبكيتها عبدالله العير : الله ولا النشده اللي تاليتها نكد=وشلون موجتك للمطران فريتها اللي عطتك البريره وانت وسط المهد=قالوا لي انك بعد شيّبت جازيتها رشيد الزلامي : الله يعلم رشيد وقصده اللي قصد=مطير من قبل جيراني وحبيتها لاتحفر المقبره يطبق عليك اللحد=واللي عطتني البريره جيت وارضيتها عبدالله العير: الليله انته بعيرٍ تنتظم وتهبد=ماتنتثنّى يدينك مير ثنيتها اللي عطتك البريره حظها منقرد=عرضتها لاهب الكنّه وخليتها رشيد الزلامي : الموج اشوفه طفح والبحر جاله زبد=لكنّ ذيك البضاعه وين وديتها فزعتك عشرين واللي طاح واللي قعد=وخمخمتها في ظلام الليل واخطيتها عبدالله العير : حطيتها في بيوتٍ جودت بالعمد=وانته تباها لكنّك ماتحليتها الله يعذبك كيف اشغلتني بالنشد=عن حرجةٍ تطلب الميته وذكيتها رشيد الزلامي : اقول سبحانك الخلاق فردٍ صمد=عيون فتحتها وعيونٍ اعميتها يالعير دم الخواجه ماع مدري جمد=وارد عراوي دخل ماها على زيتها عبدالله العير : الله ليا راد له حاجه بليا جهد=حرّم عليك الزقاره وانت كنيتها ماعاد عند الخواجه دم كله نفد=اتعبت رجلك على دربه وعنيتها:f: |
ابن عوض 1 الله يرحم العير عبدالله . كم من ساحة شهدت ملاحمه باسم مطير بيض الله وجهك على هالنقل المميز لأثنين من اعلام شعر المحاوره في العربي لاهنت |
الله يعطيك العاااافيه يابن عووض
وصح لساااان الشعاااار ولاهنننننننننت |
أبن عوض
يعطيك العافيه على المحاورة وصح لساان الشعّار ولاهنت |
شاب ضوه كلامك صحيح ,,ووجهك ابيض ولاهنت والله يعطيك الف عآآفيه على المرور العطر. |
فهد اللويمي
الله يعآآفيك ,,ولاهنت على المرور العطر. |
فهد عيد الجبلي
الله يعآآفيك,,,, ولاهنت على المرور العطر. |
ابن عوض
الله يعطيك الف عافيه على المحاووررررررررررررره روووووووووعه مره واختيار جميل جدااا والله يعطيك الف عافيه ولا هنت |
ابن حلبيد
الأررررررررررررررررروع هو مرورك الله يعطيك العافيه ولاهنت. |
| الساعة الآن 02:51 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
