::منتدى الجبلان الرسمي:: - آحد يحاول بردى بـــــنــــت عــــــمـــــه@@

( بسم اللة الرحمن الرحيم)
هذي قصيده للشاعر:~ بندر بن سرور
وبعدها خرج وهو مختل عقليا..
القصيده:~ ماني وأنا بندر
يالله ياجال الامور المهمه = تجلا وهج قلب برا حال راعيه
البر دجته والبحر رحت يمه = يقطعك ياحظ على الله مساعيه
يوم ان ولد اللاش رزقه على امه = رزقي على اللي ميت القشع يحييه
يامل قلب كل مامات همه =دارت دواليب الدهر لين تحييه
فراق شمل الناس عيا يلمه =وقت يشيب الراس من شاية فيه
أحد ينام وحاط راسه بكمه =واحد تخم النوم عينه وتخطيه
وآحد يحاول بالردى بنت عمه = وآحد يحاول ستر عذرى عوانيه
ماني وانا بندر ببياع دمه = يقطعك يابياع دمه ومهفيه
اللي يبيع لابسات الازمه = ثور يبابيض الرعابيب تغنيه
يزعل ليا جت ليلة الدور يمه =يرضى بسوق المال فخوه وفابيه
خطو البخيل اللي يكبر معمه = يقرا الكتاب وواجب الله يخليه
إمر هرج لك في رفيقه بنمه =والا عطا وامه تضيع هقاويه
أنشدك ياللي كل فرض تتمه = تقرا الكتاب وكل فرض تصليه
ويش القليب اللي غميق مجمه = مافاد غرسه ماه وعطشى سوانيه
تخالف الانظار شرق ويمه = وكل هدف رآيه من الناس مرضيه
سم السبب ياعارف عنه سمعه =سم السبب ياعارفه قبل أسميه
:
:
:
وبعد هذي القصيده يقال له بين أبناء عمومته مرجوج
وذهب في يوم عندي شيخ قبيلتهم وطرق الباب وردة إبنت الشيخ وسئلها عن أبيها
فذهبت تنادي أبيها بصوت عالي وتقول : يبه المرجوج عند الباب يبيك
فقال هذي القصيده فيها :~
يا سخيف الذرعان مانيب مرجوج =رجتني الدنيا بغدر وحيله
يابنت لولا اللي على تاسع الفوج = تركت نجد وعزوه بالقبيله
لا شك حاديني على نجد هيدوج = مسقى الفيافي لين يدرج مسيله
تركي لي من البلاوي غدن عوج =حمله عتيبه كلها ماتشيله
يرسى كما مينا البواخر على الموج= ومنين ماصك البحر ترتكيله
مادام تركي حي ماودي ادوج =وان غاب غبت من الرجوم الطويله
بعد هذي القصيده يقال أن عقله زاد في إختلاله وبدا ينشد الشعر في أوقات مختلفه وطويله فيما بينها وكانت حكيمه على انها كانت تخرج من فم مجنون
وقد حير الشعراء قوة شعره والحكم اللتي بها خاصة بعد جنونه ]