::منتدى الجبلان الرسمي:: - ][ ديـوان الشـاعـر / هـادي عـوض الخـثـيـه ][

بـسـم الله الرحـمـن الرحــيــم
هـذا المـوضـوع
هـو ديـوان للـوالـد الله يطــول بـعـمـره
وعـمـاركــم

اخـلـيـكــم مــع القـصــايــد

_________________________________( 1 )_________________________________

القصيده الاولى : رديه بـيـنـه وبـيـن دهــش مبـارك الجدعــان

يقول الشاعر هادي الخثـيـه :

يا راكب اللي ماوقف بالحراجي
هو منوة اللي ناوي انه يسجي

نصه دهش قله يدور علاجي
وقله ترى خالك ذبحه الترجي

واكبدي اللي كن فيها سراجي
من واهجه قامت ظلوعي تلجي

على الذي حبه عقد بانحلاجي
ماينطلق كود الضماير تفجي

حبه بقلبي لاجي ٍ بالملاجي
والجفن دوك دموع عينه تزجي

غديت انا مثل عيوف الهماجي
اليا نقرها العج والما الرهجي

صبرت صبر ٍ ماصبره العواجي
لو اتلجى مايفيد التلجي

* فرد عليه دهش مبارك وقـال :

يا خال جاني منك خط ٍ مفاجي
والهقوه انه جاك ماصاب حجي

سهرت لين الصبح بين وباجي
مخطور لو طول علــي استلجي

نبى ندور للرفيج الهجاجي
بالكود مامن هون ماهو ترجي

نجيه في وقت ٍ قليل المداجي
ناخذ ليان العود والمال دجي

هذا هدف بالي وهذا مزاجي
وعيب ٍ ننام وخالنا منزعجي

وسلامتكـــم

_________________________________( 2 )_________________________________

القصيده الثانيه : رديه اخرى بينه وبين دهش مبارك الجدعان ...

ارســل دهــش يقــول :

نطيت في برج ٍ على السيف رزي
برج ٍ طويل مهندسه فـيـه فـازي

ابتلزى ماقويت التلزي
ذكر علــيـّـه غـالـي ٍ بالحجازي

العود عود الموز من شط نزي
والعنق عنق اللي تقود الجوازي

ماياصله يا كود جمس ٍ ينزي
شد العلم ولا بعد شد غازي

يا سعود هات الظرف للخال دزي
قبل يجيك من الجماعه تعازي

دزه لقرم ٍ لا لفاله يفزي
ابو محمد مامشـا فـيـه جازي

فــرد عــلــيــه هادي الخثـيـه وقــال :

جاني كـتـاب ٍ مــن رفــيــقن يــعزي
رجل ٍ عزيز ومن رجال ٍ عزازي

عاداتهم بالكون طعــن ٍ بكزي
اهل الصحون مذبحين القوازي

شكواك في صدري تراها تحزي
هيضتني وانا عن البيض عازي

هيضني اللي جاب قافه على الزي
يشكي من اللي زينها بأمتيازي

ان سهل الله من ثمانه تمزي
وحقك على خالك يسوق الجهازي

هذا ولاني من رجال التوزي
اللي عن الواجب يحب الملازي

وقاف ٍ لفاني منك مقزوز قزي
انت اتعسرني وانا ارقى النوازي

وسلامتكم

_________________________________( 3 )_________________________________

القصيده الثالثه : قال هذي القصيده يـوم سافر للقصيم مع اصدقائه وماعجبته السفره
فقال هالقصيده ويسندها على هذال مطلق ابن عميش :

راكب اللي من حفيز البهباني
مايداني لمس رجل دريوليه

من الكويت الجمس كلف بالمعاني
عقب الرقعي وعين الشمس حيه

يا ابو مطلق عن سفرنا هالزماني
كود اغسل الكبد في سفره عذيه

عادة الطيب اليا ناديت جاني
وانت عندي عادتك ماهي رديه

اه يا اللي خمس كلمـات ٍ عطاني
قال : رح قـبـل العـرب يـدرون فــيــه

فــرد علــيــه هــذال مطلق ابن عميش وقال :

مرحبا باللي جوابه تو جاني
الرفيج اللي لنا يبدي الخفيه

الرفيج اللي اليا منه دعاني
ما اتخلى عنه وعزومي قويه

والله اني حاضر ٍ يا المودماني
في لزوم ٍ قمت والساعه رضيه

ان طلبت الجمس ماني بمتواني
جاهز ٍ واكبر تكاليفه عليـه

وكانها بالجاه جينا بالعواني
وكانها بالمال مالي لك هديه

وكان عشرك يا ولد صارن ثماني
ماورانا كود حد النافعيــه

وسلامتكم

_________________________________( 4 )_________________________________

القصيده الرابعه : ابيات في قبيلة مطير ..

حنا مطير اهل الثلاث المعجزات
عدونا في مرقده مايهتني

حمر النواظر مشبعين الحايمات
لا جا نهار ٍ به فقير وبه غني

بسلاحنا حنا طرحنا الطايرات
ويشهد لنا التاريخ في زرق الجني

وسلامتكم

_________________________________( 5 )_________________________________

القصيده الخامسه : هذه القصيده كتبت في سفره الى القصيم ( منطقة الاسياح ) برفقة هذال مطلق ابن عميش وعند وصولهم اخد ( ابو مطلق ) يطلعه على بعض المزارع والاماكن هناك فأنشـد قائـلا ً :

القلب مشغول يا ابن عميش مع خله
ولا التجاره ضميري ماهرج فيها

ماهمه المال لا دقه ولا جله
ربيع قلبي مشاهدها وطاريها

مير البلا كان صار الكون بالحله
وخربت سلوك المحطه من يصفيها

_________________________________( 6 )_________________________________

القصيده السادسه : قصيدة مدح في العقيد / منصور العلاج ... ( ابو احمد )

يقول :

رح يا محمد للعقيد السنافي
منصور جعله دايم الدوم منصور

منصور لا قال الوعد فيه يافي
هاك العقيد اللي بالاحسان مذكور

ماهو بمغرورن ولا هو هلافي
ولاهو كذوب ولايداني هل الزور

منصور شوق ام الثمان الرهافي
اللي على الخفرات تلعب لها دور

عساه دايم بالعلا ومتعافي
يلجاله المحتار ويروح مسرور

_________________________________( 7 )_________________________________

القصيده السابعه : هذه القصيده كتبت سنة 1989م مدح في عضو مجلس الامه الحالي / رجا حجيلان المطيري عندما كان مديرا ً لوزارة التربيه حينها :

يقول :

يا رجا خلص كتابي من زميلك
كان لي حق ٍ عليك احسب حسابك

يا المدير اللي اليا جينا نجيلك
والمراجل حشتها باول شبابك

لا تعـذّرني وانا كد شفت طيبك
خابرن فزعتك من حضرة جنابك

يا رجا لو منت طيب ما نصيتك
كان اجنب عنك ماطقيت بابك

_________________________________( 8 )_________________________________

القصيده الثامنه : قصيده ترحيبيه في ملتقى الجبلان الاول بالكويت

يقول :

يا مرحبا في ملتقى الجبلان مكرمة الضيوف
ربعي بعيدين المغــازي مكــرمـــة جيــرانــها

يشهد لنا التاريخ في زرق الرماح وبالسيوف
وتشهد لنا الجيش الاصايل لا قضبنا ارسانها

حنا مشينا غزو ست شهور ما فيها نكوف
والابل كسبناها من اقصى القوم مع فرسانها

وسلامتكم

_________________________________( 9 )_________________________________

القصيده التاسعه : ابيات في البكــار الصــفــر ...

لا ضاق صدري قمت يا احمد وسجيت
شوف البكار الصفر غاية مرادي

حب الصفر يا احمد بقلبي بنى بيت
لاتلومني في حبهن يا ابو هادي

بنات عبدان الفحل عالي الصيت
اللي يعرفونه جميع البوادي

وسلامتكم

_________________________________( 10 )_________________________________

القصيده العاشره : كتبت هذه القصيده في الضابط / عبدالله سلطان الذيابي العتيبي سنة 1972م

يا كاتب المكتوب عجل كتابه
وده لابن سلطان يا كاتب الفن

وده لابن سلطان يقرا جوابه
حيث ان ابن سلطان يافي ورى الظن

القرم تفزع به على كل جابه
ولا الردي ماله عظامن يشيلن

انخاك يا اللي منسبك من شبابه
من لابتن تاخذ قضاها بلا من

ينخاك هادي يوم بين صوابه
تواجفن بيبان قلبه وساجن

من واحدن معلوق قلبي غدابه
ذوب معاليق الحشا لين ذابن

وكلام هادي يوم هادي بدابه
يبا ثمان ايام منكم يكفن

وكملتها باللي ينشي سحابه
اللي رفع سبع ٍ وسبع ٍ خفضهن

_________________________________

وسلامتكم

وسـنـوافــيــكم بالمــزيــد بــأذن الــلــه