|
الشيوخ السلاطين (((فرسان علوى))) الشبلان
نبذة قصيرة عن شيوخ لم تخدمهم منتديات قبيلتهم وهم من اقوى الاركان في علوى ولهم وقفه لايشابها احد فاكثرهم مدحهم من القبايل الاخرى ربما لان ليس فيهم شاعر في الوقت الماضي او انهم لايبحثون عن الاعلام كبقيه القبائل التي اخذت شهرة بالقصيد وليست بالفعل كنتم اليوم موجود في مجلس وكان النقاش عن تاريخ علوى الكبير المعروف والمشهود له بين القبائل وكان بالمجلس شايب كبير السن وتاريخي وبدات الاسئله عليه من الجلاس فساله واحد عن غنيم ابن شبلان وقال ياولدي الحموله هذي تختلف عن الحمايل من قديم الزمان بتواضعهم وثقتهم بانفسهم لانهم لايتكلمون ولكن اذا بدا الحرب او غزو اعتزت فيهم القبيله قال شخص موجود ياشايب ماقريت لهم شي بالنت قال ياولدي اسال وتلقى جواب كانك منت مقتنعي في كلامي قال لا مقتنع بس كلامك هذا ماسمعته الا منك قال الوقت هذا وقت القوة مايمدح فيه الا من يدفع فلوس للشعار او يزور بالتاريخ ولكن ابي اذكر لكم بعض اللي اعرفه من تاريخ ابن شبلان من طلعت الى اليوم .... يقول من شيوخ الجبلان وقائد للجبلان في اكثر غزواتهم على الشمال وفرسان علوى لان اكثر من فعل في علوى ابن شبلان وساذكرها لكم عندما غزو قحطان على الدويش سلبوا الدحمليه بنت شيخ مطير وانكسرو مطير وكانوا الشبلان بينهم مشكله مع الدويش وجالين للشمال عند الظفير عند ابن سويط وارسل عليهم الدويش وجو بعد المرسول وصار الوعد بين مطير وقحاطين اليوم الفلاني ورفضت بنت الدويش تركب العطفه الا ان يقول غنيم ابن شبلان اطلعي انتي في وجهي وقالت ياغنيم اطلع ولا لا قال اطلعي وانتي بوجهي وكسر و علوى قحطان وصار السعد لعلوى وبفعل غنيم ابن شبلان لانه من شجاعته عرض الشلفا رجله لوقايه الفرس وانتهت وقصد فيه العازمي وليس مطيري اين شعار مطير عنه فقال الشاعر عوير ابن طلمس العازمي مرافق لعلوى وقال الابيات هذي ياراكبـن حـر دلـه بالخاضيـر= متيهن كـل الشتـا مـع ربيعـه يسرح على تقليطت الحوض للبير= والعصر بين منيصفه والوريعـه تلقى بيـوت مدهـل للخطاطيـر= ياحيـف لـولا للنزايـل مطيعـه ناصر لفانا صايلـن بالمظاهيـر= يقول من علوى علينـا هزيعـه جونا وجيناهم وسقنـا المغاتيـر= سوق الجلايب يم سوق المبيعـه هجن وصفينا عليهـن طوابيـر= ورد بنـا ورد القطـا لشريعـه حنا نبيع الـروح دون الغناديـر= بعنـاه بيعـة رمـة مستبيـعـه جمع الجحادر قدم علوى طمارير= مايسلمون الا مـن الله شفيعـه وغنيـم قفـا بسبايـا مدابـيـر= ووراط سال من اشقر الدم ريعـه والله يا لولا نايفـات الشناظيـر= ماعاد ينكس من يهرج رضيعـه تغانموهـن يابسيـن الحناجيـر= وغدا لهم عن الاهـاوي منيعـه .................................................. .......................... وبعدها جت قبيله عنزة واستولت على الصمان وجلسوا ثلاث شهوور وبدا الوضع يصعب على علوى وصارت قوت عنزى اقوى من علوى وقال غدير الموت للدويش ابي واحد من فرسان علوى يشرب فنجالي وجمع الدويش فرسان علوى كاافه ولم يشرب احد فنجال غدير الموت وكان غنيم ابن شبلان عمره 17 سنه قال الدويش للعبد سق الفنجال على غنيم وقال غنيم من حمكته وهو صغير في سنه قال يالدويش هذا اجودي مايشرب فنجاله ولكن علموا غدير الموت اني بكرة ابي اقابله ويوم جاء الصبح بعد الثلاث شهوور من تولي عنزة على الصمان تقابل الجمعان مطير وعنزة وتقابل غنيم ابن شبلان وبرجس ان مجلاد غدير الموت وتقابلوا صار السعد لغنيم واسلتسلم له غدير الموت وقال غنيم ماني مخليك الا انك تعاهدني انك ماتقعد يوم في الصمان كثر ماقعدت قال اعاهدك اني لمشي اليوم من الصمان وانتصر غنيم وجلا عنزة وكتب شاعر لااعرف اسمه هذه الابيات برجس غدير الموت قفـا ولا عـاد= من ضرب علوى راح وانزل عموده اوما عليه غنيم واقفـى بالاسنـاد= واقفت به العسفى تقـارش فـروده وبعدها معركه طلال وهو معروفه قصتها وكان شليويح العطاوي يوصف فروسيه غنيم ابن شبلان يقول خيل نصت خيـل وخيـل نخايـر= وخيل مرزونها غنيم ابن شبـلان كنه ليا عـرض بوجـه الجرايـر =يمنع هذولاء عن هذولاء بقرعان يضرب بشلفا تودع الراس طايـر= مضرابها يفرى النحر هو والامتان ياعنك ماهو عـن عـدوه بنايـر= خيال علوى يوم زوغات الاذهـان سوا بنا سبـع السبـاع العبايـر= والخيل من حسه تجنجن تجنجـان .................................................. ....................................... واتى بعد غنيم ابنه عقاب ابن شبلان وامه مضاوي بنت الحميدي الدويش زوجه غنيم ابن شبلان كان هناك غزو من الظفير على الجبلان في الصمان في موقعه اسمها الدعيله وذاك اليوم ذبح تحت عقاب سبع من الخيل وافتك حلال ابن عمه الشاعر ابن غيام التي وخذت بيعرة عند الظفير ورجعها وكان فيها ابيات لااعلم من قائلها بالدعيله يوم جيتم باحتمالي= يوم فعل عقاب هو والغيهبيه ساتر ابن خويط من شلفاه مالي= يالطيور اللي مخالبها قويه والقصيدة اطول من ذلك وبعده اتي الشيخ فيصل ابن شبلان وهذا كتب عنه المسشرق البريطاني ديكسون الذي حضر الاخوان يقول فيصل ابن شبلان يعتبر القائد الثاني لقبيله مطير بعد الدويش وفيصل ابن شبلان يقصد فيه شعار من شعار الجبلان بعد ماراح مع الدويش وخلا الجبلان على اللصافه الشاعر حمد ابن وازع من الاعنه ياراكب اللي كور عوده نجيبـه= هيـاف دو يقطعـه بانصرامـي ماقام حـواف الرقايـع يديـره =مفتـل الذرعـان حـر قطامـي سلم على شيخ قعد لـه بديـره= شيخ ليا جيتـه يـرد السلامـي فيصل ولد مرزوق زبن القصيره= وزبن الطحوس ليا تجذت بشامي هو شيخنا لاجت علينـا كبيـرة =لاانحاش عشيق البنات النعامـي وابن عزرم الدوسري كان جالي مع ابن شبلان وفكه ابن شبلان وعاش معه 15 سنه وارسل قصيدة بعد ماتصالح مع بني عمه الدواسر وراح يمهم يقول اوصيك يالطرقي ليا جيت= على اخوان شماء بالسلامي اهل فرستن تسمع ليا صيت= واهل هجمتن ترى الوسامي ليا جيتهم عجل تمثنين= وليا جيت غيرهم عجل مقامي والقصيدة اطول وقصيدة ثانيه للشاعر زيد ابن زعل العناني بعد ماغزى ابن شبلان في الجبلان وطالت الغزوة وتعبوا وتقطعت الابل مافيهم ورفض الرجعه ابن شبلان حتى يسمع حنت المفرود وكسب ورجع بالجبلان ويقول الشاعر أتعبنا ابن شبلان واذهب جيشنـا =من ساس عود(ن) هو مقر الجود من اول ذلولي مايطوعها العصى= واليوم من ضرب الحيـود ونـود تخشع كما عبدن مليك مصـودع =تامـر عليـه ويبـذل المجهـود شانت وجيه القوم من طريا الضما= تقلبـت عقـب السمايـم سـود ويقول يالجبلان صلوا على النبي= مايستوي فقري وقلـب شـرود ويقـول والله لـدفـع سابـقـي= لمـا تسمـع حنـت المـفـرود لعـيـون ملهـوفـه الـحـشـا= عشيقتـه يـوم النهـود قعـود والحديث يطول عن الشيوخ الشبلان ولكن لي عووووده لاكمال الموضوع علما ان الشايب اللي اليوم خدمني بمعلومات اثراني فيها وسلامتكم ياعيال العم منقووووول |
يعطيك العافية أخووي (راعي الوضحا) لا هنت.على الموضوع والنبذة وجزاك الله خير تقـــــــبل مـــــروري وخــــــــالـــــص شكــــــري تحيــــــــــــااااتـــــى لك أخووووك فهد عيد الجبلي |
اخوي فهد
حيــاااكـ ولاهنت على مروركـ الكريم |
الحقيقة كالشمس لايحجبها الغربال. ايها العابر احذر من فيروس الحقيقة
اقتباس: المشاركة الأصلية كتبت بواسطة راعي الوضحا http://www.aljblan.com/vb/gitexteam-...s/viewpost.gif نبذة قصيرة عن شيوخ لم تخدمهم منتديات قبيلتهم وهم من اقوى الاركان في علوى ولهم وقفه لايشابها احد فاكثرهم مدحهم من القبايل الاخرى ربما لان ليس فيهم شاعر في الوقت الماضي او انهم لايبحثون عن الاعلام كبقيه القبائل التي اخذت شهرة بالقصيد وليست بالفعل كنتم اليوم موجود في مجلس وكان النقاش عن تاريخ علوى الكبير المعروف والمشهود له بين القبائل وكان بالمجلس شايب كبير السن وتاريخي وبدات الاسئله عليه من الجلاس فساله واحد عن غنيم ابن شبلان وقال ياولدي الحموله هذي تختلف عن الحمايل من قديم الزمان بتواضعهم وثقتهم بانفسهم لانهم لايتكلمون ولكن اذا بدا الحرب او غزو اعتزت فيهم القبيله قال شخص موجود ياشايب ماقريت لهم شي بالنت قال ياولدي اسال وتلقى جواب كانك منت مقتنعي في كلامي قال لا مقتنع بس كلامك هذا ماسمعته الا منك قال الوقت هذا وقت القوة مايمدح فيه الا من يدفع فلوس للشعار او يزور بالتاريخ ولكن ابي اذكر لكم بعض اللي اعرفه من تاريخ ابن شبلان من طلعت الى اليوم .... يقول من شيوخ الجبلان وقائد للجبلان في اكثر غزواتهم على الشمال وفرسان علوى لان اكثر من فعل في علوى ابن شبلان وساذكرها لكم عندما غزو قحطان على الدويش سلبوا الدحمليه بنت شيخ مطير وانكسرو مطير وكانوا الشبلان بينهم مشكله مع الدويش وجالين للشمال عند الظفير عند ابن سويط وارسل عليهم الدويش وجو بعد المرسول وصار الوعد بين مطير وقحاطين اليوم الفلاني ورفضت بنت الدويش تركب العطفه الا ان يقول غنيم ابن شبلان اطلعي انتي في وجهي وقالت ياغنيم اطلع ولا لا قال اطلعي وانتي بوجهي وكسر و علوى قحطان وصار السعد لعلوى وبفعل غنيم ابن شبلان لانه من شجاعته عرض الشلفا رجله لوقايه الفرس وانتهت وقصد فيه العازمي وليس مطيري اين شعار مطير عنه فقال الشاعر عوير ابن طلمس العازمي مرافق لعلوى وقال الابيات هذي ياراكبـن حـر دلـه بالخاضيـر= متيهن كـل الشتـا مـع ربيعـه يسرح على تقليطت الحوض للبير= والعصر بين منيصفه والوريعـه تلقى بيـوت مدهـل للخطاطيـر= ياحيـف لـولا للنزايـل مطيعـه ناصر لفانا صايلـن بالمظاهيـر= يقول من علوى علينـا هزيعـه جونا وجيناهم وسقنـا المغاتيـر= سوق الجلايب يم سوق المبيعـه هجن وصفينا عليهـن طوابيـر= ورد بنـا ورد القطـا لشريعـه حنا نبيع الـروح دون الغناديـر= بعنـاه بيعـة رمـة مستبيـعـه جمع الجحادر قدم علوى طمارير= مايسلمون الا مـن الله شفيعـه وغنيـم قفـا بسبايـا مدابـيـر= ووراط سال من اشقر الدم ريعـه والله يا لولا نايفـات الشناظيـر= ماعاد ينكس من يهرج رضيعـه تغانموهـن يابسيـن الحناجيـر= وغدا لهم عن الاهـاوي منيعـه .................................................. .......................... وبعدها جت قبيله عنزة واستولت على الصمان وجلسوا ثلاث شهوور وبدا الوضع يصعب على علوى وصارت قوت عنزى اقوى من علوى وقال غدير الموت للدويش ابي واحد من فرسان علوى يشرب فنجالي وجمع الدويش فرسان علوى كاافه ولم يشرب احد فنجال غدير الموت وكان غنيم ابن شبلان عمره 17 سنه قال الدويش للعبد سق الفنجال على غنيم وقال غنيم من حمكته وهو صغير في سنه قال يالدويش هذا اجودي مايشرب فنجاله ولكن علموا غدير الموت اني بكرة ابي اقابله ويوم جاء الصبح بعد الثلاث شهوور من تولي عنزة على الصمان تقابل الجمعان مطير وعنزة وتقابل غنيم ابن شبلان وبرجس ان مجلاد غدير الموت وتقابلوا صار السعد لغنيم واسلتسلم له غدير الموت وقال غنيم ماني مخليك الا انك تعاهدني انك ماتقعد يوم في الصمان كثر ماقعدت قال اعاهدك اني لمشي اليوم من الصمان وانتصر غنيم وجلا عنزة وكتب شاعر لااعرف اسمه هذه الابيات برجس غدير الموت قفـا ولا عـاد= من ضرب علوى راح وانزل عموده اوما عليه غنيم واقفـى بالاسنـاد= واقفت به العسفى تقـارش فـروده وبعدها معركه طلال وهو معروفه قصتها وكان شليويح العطاوي يوصف فروسيه غنيم ابن شبلان يقول خيل نصت خيـل وخيـل نخايـر= وخيل مرزونها غنيم ابن شبـلان كنه ليا عـرض بوجـه الجرايـر =يمنع هذولاء عن هذولاء بقرعان يضرب بشلفا تودع الراس طايـر= مضرابها يفرى النحر هو والامتان ياعنك ماهو عـن عـدوه بنايـر= خيال علوى يوم زوغات الاذهـان سوا بنا سبـع السبـاع العبايـر= والخيل من حسه تجنجن تجنجـان .................................................. ....................................... واتى بعد غنيم ابنه عقاب ابن شبلان وامه مضاوي بنت الحميدي الدويش زوجه غنيم ابن شبلان كان هناك غزو من الظفير على الجبلان في الصمان في موقعه اسمها الدعيله وذاك اليوم ذبح تحت عقاب سبع من الخيل وافتك حلال ابن عمه الشاعر ابن غيام التي وخذت بيعرة عند الظفير ورجعها وكان فيها ابيات لااعلم من قائلها بالدعيله يوم جيتم باحتمالي= يوم فعل عقاب هو والغيهبيه ساتر ابن خويط من شلفاه مالي= يالطيور اللي مخالبها قويه والقصيدة اطول من ذلك وبعده اتي الشيخ فيصل ابن شبلان وهذا كتب عنه المسشرق البريطاني ديكسون الذي حضر الاخوان يقول فيصل ابن شبلان يعتبر القائد الثاني لقبيله مطير بعد الدويش وفيصل ابن شبلان يقصد فيه شعار من شعار الجبلان بعد ماراح مع الدويش وخلا الجبلان على اللصافه الشاعر حمد ابن وازع من الاعنه ياراكب اللي كور عوده نجيبـه= هيـاف دو يقطعـه بانصرامـي ماقام حـواف الرقايـع يديـره =مفتـل الذرعـان حـر قطامـي سلم على شيخ قعد لـه بديـره= شيخ ليا جيتـه يـرد السلامـي فيصل ولد مرزوق زبن القصيره= وزبن الطحوس ليا تجذت بشامي هو شيخنا لاجت علينـا كبيـرة =لاانحاش عشيق البنات النعامـي وابن عزرم الدوسري كان جالي مع ابن شبلان وفكه ابن شبلان وعاش معه 15 سنه وارسل قصيدة بعد ماتصالح مع بني عمه الدواسر وراح يمهم يقول اوصيك يالطرقي ليا جيت= على اخوان شماء بالسلامي اهل فرستن تسمع ليا صيت= واهل هجمتن ترى الوسامي ليا جيتهم عجل تمثنين= وليا جيت غيرهم عجل مقامي والقصيدة اطول وقصيدة ثانيه للشاعر زيد ابن زعل العناني بعد ماغزى ابن شبلان في الجبلان وطالت الغزوة وتعبوا وتقطعت الابل مافيهم ورفض الرجعه ابن شبلان حتى يسمع حنت المفرود وكسب ورجع بالجبلان ويقول الشاعر أتعبنا ابن شبلان واذهب جيشنـا =من ساس عود(ن) هو مقر الجود من اول ذلولي مايطوعها العصى= واليوم من ضرب الحيـود ونـود تخشع كما عبدن مليك مصـودع =تامـر عليـه ويبـذل المجهـود شانت وجيه القوم من طريا الضما= تقلبـت عقـب السمايـم سـود ويقول يالجبلان صلوا على النبي= مايستوي فقري وقلـب شـرود ويقـول والله لـدفـع سابـقـي= لمـا تسمـع حنـت المـفـرود لعـيـون ملهـوفـه الـحـشـا= عشيقتـه يـوم النهـود قعـود والحديث يطول عن الشيوخ الشبلان ولكن لي عووووده لاكمال الموضوع علما ان الشايب اللي اليوم خدمني بمعلومات اثراني فيها وسلامتكم ياعيال العم منقووووول شكرا لك عزيزي هذا الموضوع يعتبر أهم موضوع قريتة بالمنتدي من وجة نظري وللناس انظار و الشبلان لهم العقادة في علوي وكانت أخر قيادة لهم علي الجبلان في عهد فيصل ابن شبلان اللي اعترض علي عزيز الدويش في مغزاة في معركة ام رضمة وهي التي قاد فيها الجبلان ورفض الانصياع وقال ياعزيز الجبلان امانة برقبتي ماني موردهم علي ابن مساعد وشمر بينا وبينهم 10 ايام ممشي وقالة عزيز ذليت يافيصل قالة انشد ابوك ويعلمك وفعلا تم انقاذ الجبلان بحكمة من الهلاك اللي صار لعزيز الدويش علي ام ارضمة واما أغنيم يوم أوراط جاب بنت ابن قرملا وسلمها لبنت الدويش اللي عفت عنها ولغنيم من الابناء الفارس عقاب ومرزوق وعقاب هو من قتل حمدان بن سويط في كون الدعيله اما فيصل بعدها صار وكيل للملك عبدالعزيز على ريمه فوزعها على بني عمه الجبلان واستفادوا منها وحفظوها حتى مات ابن شبلان وبعدها صارت على ابن اخيه مسير ووزعها على الجبلان بعد ماطلبها من عبدالعزيز ولهم اليوم ديرتين بالصمان مناخ وخبيرة فمناخ لها تاريخ عتيد نحتاج لحلقات لذكر كيفية طلبها وبقاء ال شبلان فيها والشبلان هم العائلة التي يطلق عليها خوال الشوخ وبنيخي الشوخ لأنهم خوال الدوشان والدوشان خوالهم وهم بعد خوال الشاعر محمد الخس اللي يقول بأحدي قصايدة اصلة من الجبلان الاقصي ولاهس حماية التالي بعيدين الارماس أغنيم ابن شبلان ماهو بيندس خيال علوي يوم الارياق يباس الحقيقة كالشمس لايحجبها الغربال. ايها العابر احذر من فيروس الحقيقة |
يعطييك العافيه
ولاهنت ع الموضووع تقبل مروري |
يعطيك الف عافية اخوك يالغالي
|
راعى الوضحا نقل جيد , ولكن لا يخلوا من الاخطاء , وأظنها لا تأثر على المحتوى .
فمثلا من الأخطاء أستيلاء الدهامشه من عنزه على الصمان والصحيح هو نزولهم على مناخ فقط وأيضا الشبله لم يجلوا للظفير أبدا والصحيح أن جلية الجبلان عن الصمان مره واحد فقط وهى لأبن هذال , وتجاور الأعنه من الجبلان مع الظفيرفى ذلك الوقت لأنهم لم يجلوا مع الجبلان . وأيضا من كان عمره 17 سنه فى مجلس الدويش هو (( زليعه )) وليس غنيم أبن شبلان . وأيضا أكثر من قاد الجبلان للمغازى شمال هم الامى مع أحترامى الشديد لأبن شبلان . ابن عمى العزيز تاريخ الشبله مشرف جدا ولا يزيدهم أو ينقصهم شىء من اللى ذكرته فهم نارا على علم من نشأتهم ألى وقتهم الحالى , ولكن المصداقيه تتوجب علينا قول الحقيقه كامله , وشكرا لك . ********************************** وأيضا وقع هدلان فى خطأ بسيط بذكره بأن مرزوق ابن غنيم , والحقيقه ابن غنيم فقط عقاب وذرية عقاب هى أمرأه وهى كبيره بالسن وموجوده بالصداوى لأن جدة أحد أبناء الجبعا , ولا ادرى هل هى عايشه أم توفيت , علمى فيها قبل 3 سنوات . وشكرا لكم |
المراقب الكريم حاول ان تراجع معلوماتك وتسندها بأسانيد اي بكتاب او بقصيدة لنستفيد من معلوماتك واللة لايحرمنا من هل العلم خاصة عدد المغازي للشمال ردك يوحي بأن هناك غزوات بمعني اكثر من غزوة لأفادتنا ومن اهل المعرفة نستفيد
|
أبشر ياهدلان غزوة الجبلان بقيادة صاهود على مطلق الديدب فى شعيب صواب ومدتها
6 شهور وأيضا غزواته شمال مع مسيمير الفراوى وكانوا يصولون ويجولون ألى أن وصلوا لأبل ملحان أبا الروس من الدهامشه من عنزه وأخذوا أبله وأنصاب فيها صاهود وأعتقد هذه المغازى موثقه بقصائد أظنك تعرفها يالغالى , وشكرا لك . |
اللة يعطيك العافية يالمراقب والتاريخ وانا اخوك صعب مانقدر نخوض فية الا بأدلة انا لما سألت ابي شئ جديد اما اللي تقولة صح بس هي غزوة وحدة ماهي غزوات ومسألة الاصابة وانااخوك هذي موضوعها غير اللي قلتة هذا موضوع ثاني --
حنا ياخوك يوم ذكرنا ابن شبلان ذكرنا المواقع اللي قادوا فيها وهذي موثقة بالدعيلة و بوراط وام رضمة وراجع كتاب الكويت وجاراتها لدكسون وتلقي فية اللي يفيدك شكرا يالمراقب |
| الساعة الآن 05:34 PM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
