نهار الطريس
 

بسم الله الرحمن الرحيم




بادت سمار الهجن من كثـر الادلاج
ما عاد يطـرن العبـث والجفالـي
حطن لهن بين الحفيفيـن مسهـاج
عليهـن إللـي يحتمـون التوالـي
بالليل نسري ليـن فجـران ينبـاج
والصبح نمشي لين يقف الضلالـي
رحنا عليهن والشحم مثـل الأبـراج
وجينـا عليهـن ناحـلاتٍ هزالـي
ظهورهن يبسن مثل حافت الصـاج
ووسوطهن مـا يقضبـن الحبالـي
يلوعهن من لايـع القيـض لهـاج
والماء شرابه من محـال لمحالـي
في البر مثل الساج في وسط الأمواج
نوبٍ جنوب ونوب يصفـق شمالـي
أنا أبو نجلاء مودع الهجن سهـاج
لا أخطت من الأقصى قمعت الموالي
في ربعي الجبلان عجليـن الإفـراج
بالضيق يرخص عندهم كـل غالـي
ياما حصل بضهورهن ضيق وحراج
وياما كسبنا فوقهـن مـن حلالـي
إليـا غلبنـا بالرخـا كـل هلبـاج
حنا نغبنـه فـي سهـوم المتالـي



قصيدة للشاعر العقيد : نهار الطريس..

الشاعر ..


ابداع * ابداع ..


نقلت و اجدت النقل ..


بدايه موفقه ..


الف شكر لك على القصيده الطيبه ..


منتظرين جديدك ..!

مشكوور على المرور


الاكثر من رائع

يالمقلدي

في ربعي الجبلان عجليـن الإفـراج ***** بالضيق يرخص عندهم كـل غالـي

لا هنت يالشاعر على النقل المميز ..

ولانــت

ومشكوور على المرور

العطر

صح لسا الشاعر

ولاهنت على النقل الرائع يالشاعر

مشكوور ياعود اليل

على المرور العطر

اكيد يالنداوي

ومشكوور على مرورك

ومشكووور يالازلع على المرور