|
غابت الشمس ..
غابت الشمس وإلا الحزن له مغربه ..................... وين أبغرب وأنا حزني غروبه ثقيل مجدبه ياجروحي والسماء معشبه ..................... ساكنه والهوى ميل جريد النخيل بارده ياحروفي والدفاء موهبه ..................... بارده مثل برد الخوف والمستحيل صوتٍ أبعيد في قلبي ياليت أقربه ..................... وبين قلبي ومابيني طريقٍ طويل ليت حزني مثل حزن البشر وأكتبه ..................... وليت دمعي مثل دمع العيون ويسيل أشهد أني ردي حظ وردي تجربه ..................... وأشهد أني على بعض المشاعر بخيل أيه مذنب في هالدنيا وهي مذنبه ..................... من دفا حلمي الطيب لبرد الرحيل عذري اللي متعبنّي وأنا متعبه ..................... مال قلبي على بعض الهقاوي دليل كل طيرٍ له اللي بالسماء يجذبه ..................... وكل غصنٍ تجوز له الهبايب يميل صرت أقول الكلام المر وأستعذبه ..................... صرت أخاف الدفاء لوني وحيدٍ نحيل كم صبرت وليال الصبر مستغربه ..................... لين قلة حلاة الصبر لو هو جميل الزمن صعب والنسيان يامصعبه ..................... والدفاتر نشيّلها الهموم وتشيل **** |
صح لســــــــــــــــــــــــــــــــــــــــــــــــ ـــــــــــانك
|
لاهنت
صح السانك اخوي قصيده جزله من شاعر جزل يعطيك العافيه |
صح لسان شاعرها ..
وتسلم يمين ناقلها .. لاهنت ياشجاع ذوق |
صح لسان شاعرها
شجاع الهيت الله يعطيك العافيه يالقرم على النقل المميز اختيار موفق يدل على ذائقه شعريه متميزه ومتمكنه لك خالص تقديري |
شجاع الهيت
لاهنت اخوي عالنقل وتسلم يمينك وصح السان شاعرها اختك غلا الصمان |
| الساعة الآن 11:16 PM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
