يابنت ضميني

من اشهر قصائد الشاعر مشعل محماس الحارثي

شاعر الامير سلطان

يابنت ضميني من الصيف للصيـف = مليت من جـور السنيـن و صلفهـا

في ظلمتك يابنـت مابـه تحاسيـف = على الـذي عـاف الحيـاة وقرفهـا

داوي عليل(ن) غربلتـه الصواديـف = كلن عجـز عـن علتـه ماكشفهـا

من غيرك الي خفف الجرح تخفيـف = شوفي جروحي ورتمي فـي طرفهـا

وليا شبكت أيدي خلـف السراجيـف = برش الثمن(ن) سعد منهوا رشفهـا

من مبسمن كنه كما سلـة السيـف = وعيون من قلـب الحبـارى علفهـا

أنا اشهد انه الكيف يا مدور الكيـف = وصف الطبيب الروح يومه وصفهـا

ألا يابعـد مـن يلبسـن النفانيـف = من شافك من البيض تلعـن جدفهـا

يا درة (ن) ماداج مثلـك ولا شيـف = يا مهرة (ن) ماغيري احداً عسفهـا

أنتي لحالك ثقـل باريـس وجنيـف = يلـي مكذبنـي رحلـهـا وشفـهـا

من حسنها محداً وصف لو تناتيـف = حتى أمه الي مـن زمـان أتعرفهـا

أيـه خرافـه مالهـا أي تصنـيـف = كلن علـى طـاري حلاهـا ولفهـا

لجيت أصفصف فكرة الوصف تصفيف = يطري علي بعـض الجمـال حرفهـا

من وين أببـدا فاالثمـان المراهيـف = فاعيونها في شعرهـا فـي شففهـا

في جيدهـا ولا الثنيـن المهاديـف = والا بعد في خصرهـا الـي ولفهـا

في وصفها مال التواصيف توصيـف = والوصف كلـه الوصفـه مانصفهـا

لو شافها العاقل غدا خبـل وخفيـف = عنـي ليرمـي غترتـه ويحرفـهـا

لو شافها الي يلحف القرش تلحيـف = والله ليصرف ثروة (ن) ما صرفهـا

وش عاد مـن جـاه بليـا تكاليـف = غير الورود الـي لهـا قـد قطفهـا

من أولاً معها بروس المشـاريـف = واليـوم نفسـه قـد لحقهـا كلفهـا

يابنـت قومـي مابقـاء دم ونزيـف = أنـا الـذي رجلـه عشانـك كرفهـا

يابنت قومي وزمن صلـف ومخيـف = جيتـك بغلطـات الزمـن أعترفهـا

صدرناً ملاه الهم واليـاس والحيـف = عين (ن) بكت حلـمً تبيـه كسفهـا

جيتـك أمدلـك اليديـن النواحيـف = بسكن عيونـك والجفـون التحفهـا

هلي علي مـن الدمـوع الذواريـف = بصـدر ونـه ليـت منهـو عزفهـا

تدرين ضميني من الصيـف لصيـف = مليت من جـور السنيـن وصلفهـا