ما بهذل القلب غير الهم والضيق = همٍ نزل داخل المكنون ما شد
واصبحت لا انام من جوره ولا افيق = سوات منه على الاعدام موعد
يذوق طعم المنيه قبل ما سيق = ويعد لحظاتها بالثانيه عد
بري لاكنّ الزمن ما فيه تفريق = يلعب كما الموج بين الجزر والمد
قضيةٍ لفقت فالجنب تلفيق = واعلن قرار القضا تنفيذه الحد
هذا وجودي لو ان الوصف ما يليق = هو نده السيف وانت اليووم لي ند
يا ليتك تشوف جوف الصدر وتويق = وتعرف وش ناتج الهجران والصد
العين ما تشوف يوم النوم ما ذيق = والدمع من قطرته كم واسم الخد
والصوت مبحوح ماهو لاقيٍ ريق = والحيل من سبّتك هالك ومنهد
فرقاك همٍ عليه الحال مايطيق = تعال واعلمك عن خافي الود
وان كان في دربنا صارت معاويق = واصبح فراقي معك لابد لابد
ودعتك الله ولا فالوضع تعليق = الله يبيحك على خونتّك للعهد
من عادتي ما ترجيت المخاليق = رجواي للي نصليله ونسجد
روّح وتبقى مسيطر بالمعاليق = وبين الحنايا سوات الجمر توقد
مهما خذاك القدر غرب وتشاريق = لا يمكن الشوق لو لحظات يبرد

من عادتي مـا ترجيـت المخاليـق
رجـواي للـي نصليلـه ونسجـد
روّح وتبقـى مسيطـر بالمعاليـق
وبين الحنايا سوات الجمـر توقـد
مهما خذاك القدر غرب وتشاريـق
لا يمكن الشوق لو لحظـات يبـرد

يا سلااااام يا بن ناهس اثري قلبك خضر وحنا ما ندري عنك هههههه

امتعتنا بهالجزله قصيده جزله من شاعر جزل وما هي غريبه عليك الجزاله يا بو صالح


صح لسانك يا بو صالح ولا تحرمنا مما لديك ولي طلب بسيط منك ؟ راح تعرفه؟

دمت بود

تحيتي