|
\\((عن اذنك برحل لدرب الغياب اللي يناديني))\\
بسم الله الرحمن الرحيم السلام عليكم ورحمة الله وبركاته على امرك يابعد نبض الخفوق وهاجسي ومناي مدامك ماتبي وصلي أنا وش عاد يبقيني أبحفظ مابقى لي من كرامه وأستحث خطاي على درب الغياب ووين ماودى يوديني واذا هفهف على صدري هواك وحدني لاقصاي دعيت الله يطمن في بعادي قلبي وعيني وطلبته مثل مامكن غلاك وركزه بحشاي يشيله من معاليقي قبل لا الوجد ينهيني ولعلمك لو عرفت إني أبثني عزمك برجواي أموت ولا ترجيتك وقلبك بايرٍٍ فيني لو انك قلتها تبغى تشوف معزتك جواي أو انك قلتها ساعه غضب والذنب كاسيني لاجيك بكل حيلاتي من ايام الصبا لتلاي واشري رضاك لو كان المقابل باقي سنيني ولكن مالمسته بك قتل حتى العتب بشفاي غرام ٍ مات في عينك على فرقاك يغريني حسافة كنت احسب انك تقدر طيبتي ووفاي وعلى اقل احتمال تراعي اللي بينك وبيني توقعت إنك أخلص من عرفت وشفت في دنياي أشك بكل من حولي ووحدك ماتخليني طلبت البعد في وقتٍ أبيك تكون به يمناي بعد ماجارت ايامي علي وحارت يديني ولايخفاك صكات الزمان وماحصل وياي ولو مافي يدك حاجة وجودك كان يكفيني توفي لو بعض دينك إلين آقف على ماطاي لعل يكون لي صبر ٍ على الفرقا يقديني على كل حال ماينفع ملامي لك وكثر حكاي عن اذنك برحل لدرب الغياب اللي يناديني اتمنى ان تنال على اعجابكم كما نالت على اعجابي .. |
صح لسانك يالشاعر
ولاهنت |
وطلبته مثل مامكن غلاك وركزه بحشاي
يشيله من معاليقي قبل لا الوجد ينهيني جميل انت ياااكبرياء وجميل هو طرحك رائع بما تقدمه وبما ينال على أعجابك... تسلم يمناك على التميزوالجهد الله يعطيك العااافيه...... ________________ |
ولعلمك لو عرفت إني أبثني عزمك برجواي
أموت ولا ترجيتك وقلبك بايرٍٍ فيني طرح رائع ياكبريااء .. تسلم يمينك عزيزي لاهنت |
لو انك قلتها تبغى تشوف معزتك جواي
أو انك قلتها ساعه غضب والذنب كاسيني بيت رائع وجميل ... لاهنت على القصيده وانا اجيزك وبقوه ولا هنت على الموضوع والنقل الطيب..... تقبل خالص مودتي وشكري ومروري... الغفيليـ ... |
على كل حال ماينفع ملامي لك وكثر حكاي
عن اذنك برحل لدرب الغياب اللي يناديني الله الله ..........عساك على القوه ...والله يطول في عمرك ..ويخليك لنا ذخر . ولا يحرمنا منك .. نالت على اعجابي .. تحــياتي |
صح بدنك ووانا ماني شاعر وانا اخوك. |
اجمل انت واجمل هو مروووورك الراقي ولاهنت وتسلم يمينك |
مرووور رائع يا فخر وتسلم يمينج ولاهنتي . |
لاندم على المروووور ومنور القصيده مرورك العذب . |
| الساعة الآن 05:45 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
