|
بعض الاقتراحات للجنة ..
السلام عليكم ورحة الله وبركاته ..
لدي بعض الاقتراحات التي اتمنى ان تنتقل من اقتراحات الى اعمال ومشاريع على ارض الواقع .. 1- حفل تكريم المتفوقين :- كما يحصل في حفلات الجمعيات التعاونيه لتكريم الطلبه المتفوقين من جميع المراحل .. وخريجين الجامعات والحاصلين على شهادة الماجستير والدكتوراه وتكون جوائز متفوقين الثانويه العامه كافية لتحفيز الطلبه الجبلان للاجتهاد في الدراسه .. اما الشهادات العليا .. فبمجرد الحصول عليها يكرم مره واحده ويكون في اقرب حفل بعد حصولة على الشهاده .. وذلك لتشجيع ابناء الجبلان للحصول على اعلى الشهادات العلميه .. 2-مخيم ربيعي لشباب الجبلان يكون هناك مخيم ربيعي لشباب الجبلان في فترة من 4 ايام الى اسبوع ... ويكون لهذا المخيم جدول .. مثلا .. اول يوم درس ديني واليوم الذي يليه امسيه شعريه للشعراء الشباب من الجبلان .. وهكذا ... حتى يلتقي الشباب في ذلك الملتقى ونتعرف على بعض من جهه ونستفيد من جهه اخرى 3-دليل هواتف ودواوين الجبلان بعد حصر ارقام جبلان الكويت يتم اصدار برنامج دليل هواتف الجبلان ويتم توزيعه للجبلان ويجدد سنويا لتعديل الارقام او العناوين التي تغيرت ...وبهذا الدليل ايضا جدول لدواوين الجبلان في الكويت 4- خدمة الرسائل القصيره يتم ارسال رسائل قصيره لكافة الجبلان باخبار اللجنة واخبار الجبلان ... كالافراح وحفلات التخرج ... او الاحزان كالمرض او حالات الوفات ... وغير ذلك الكثير وازكي لكم هذا الموقع ( مو دعايه :) ) http://www.mobily.ws/ لانه رخيص يصل سعر الرساله الى 10 فلوس تقريبا ... ويعتبر من افضل المواقع لارسال الرسائل القصير للجوال 5- تيسير امور الزواج اما طريقة هذا الاقتراح فيعتمد على سيولة المبرة وكم تستطيع ان تدفع لهذا المشروع .. اي تنشا صالة افراح فيكون للجبلي مجاني ولغير الجبلي بمبلغ مادي فيكون لهذه الصاله فائده اعانة الجبلان وفائدة استثماريه .. او .. اعطاء المعرس عانيه بمبلغ مادي تحدده سيولة المبرة .. سواء 2000 او 3000 د.ك 6- موقع الكتروني وذلك لتكون الواجهه الالكترونيه للمبرة .. يعرض في هذا الموقع نبذه عن اللجنة التاسيسيه وانجازات اللجنة والمبرة ... واعمال اللجنة .. وتقارير لتلك الاعمال ... وهذه الخطوة تكون بعد كذا شهر من الان حتى تكتمل المبرة وتصبح واقع ملموس في الختام .. كما وفقني الله لهذه المقترحاات وعرضها في المنتدى .... اسال الله ان يوفقكم في كافة اعمالكم في اللجنة .. ويلهمكم الرشد والسداد .. اخوكم / محمد الجبلي |
مشكور وبعدين جبلان السعوديه
مالهــــــــــــــــــــــــــــــــــــــــــــــ ـم رب وهذا قمة التفرقه بين الجبلان وليش جبلان السعوديه مهمشين من الموضوع واللي بيتجمل يتجمل لربعه كلهم المفروض الاجتماعات والاقتراحات لتكون لجميع الجبلان وهذا ظلم فهمت كلامــــــــــــي |
ابي اسألك سؤال
الحين تقول اقتراحات للجنة >> في احد يمثل اللجنة بالمنتدى ..؟ |
راعي الوضحا .... تراني مثلك مجرد عضو بالمنتدى :) ... لكن ان شالله المبرة تشمل الكويتيين والسعوديين ... على العموم ننطر رد اللجنة في الموضوع ..
هاجوس مطير ... د.عبدالمحسن زبن |
كلام الاخ محمد الجبلى تم توصيله للجنه وكلام منطقى ويخدم ابناء الفخذ اما بخصوص جبلان السعوديه مستحيل واحد عاقل ان يفرق بين الجبلان بالكويت او بلخليج واللجنه اضن انها شغاله حاليا لترتيب البيت الجبلى بس عطوهم وقت ..
|
السلام عليكم
اللجنة فكرتها جداً رائعة لكن شنو أهدافها ؟!! هل تخدمنا ؟؟ أتمنا أن لا تكون بدايتها نهايتها !! والأهم أن لا تكووووووووووووون مصلحه إنتخابيه للبعض وخاصه لأعضاء اللجنه وأخيراً نتمنى أن تخدم الجبلان عامه تحياتي للجميع |
حيالله امير الذوق ..
ابشرك اللجنة شغاله من اروع مايمكن .. واعضائها من الناس اللي يبيضون الوجه ويفكرون بالمصلحه العامه للجبلان قبل المصلحه الخاصه .. وحاليا هم شغالين في مبرة الجبلان عسى الله يوفقهم .. |
ماقول غير ماشالله عليكم
وقواكم الله وانا حييل معجبه باالافكار الي طرحتوها وياريت كل قبايل مطير تسوي مثلكم وياريت بعد لو فيه تجمع نسائي للقبيله في الافراح والمسرات وايضا للتعارف شكرا لكم على جهودكم واسجل متابعتي واعجابي بما قدمتكم والشكر موصول لاخ محمد الجبلي واقوله الي الامام... |
موضوع جيد بصراحة
بس اللجنة يبيلها وقت ياجماعة عطوهم فرصة الخير قدام انشاء الله |
Good health
|
I wanted to be obeyed asked possible
|
أخوي فلاح ماقصرت وبيض الله وجهك وجه الجنه
|
بسم الله الرحمن الرحيم
( مفاعل نووي ) اولا:اصبح على الجميع الصاحين معي وامسي على الطافين الي بعد ماصحووو المهم : تحيه مني الى اللجنه وهذي بحد ذاتهااا بالنسبه لنا يا الجبلان وبالذات اخص ذاتي اسم لجنه للجبلان كأني املك( مفاعل نووي)بمعنى الكلمه والله لو يفكوناااااا من الفلوس والاقتراحات و.و.و.و. الخ... والله حنى بخيرصدقوني وبكره تذكرون كلامي واسم الجبلان غني عن التعريف ولكن في الظروف الراهنه يجب علينا ان تكون كلمتناااااا ( واحده ) وانا بس هذا الي ابيه من الجبلان و(الجنه) والمتعارف عليه في السابق لا اريد ان اوضح كمااا هو واضح . توحيد الصفوف يعني لي ( مفاعل نووي ) جبلي متعنصر |
ما شاء الله عليك اخوي محمد الجبلي.. والله الاقتراحات جداا طيبه وممتازه
وان شاء الله يباشرون فيها وجزاااك الله خير على الموضووع |
نعم نعم
لتكريم الطلبه المتفوقين:) <<<------- زهقت من ساعات الحائط شوفولنا جوائز سنعه مثلا رحلة عمره للمتفوقين ياحبذا |
| الساعة الآن 10:07 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
