|
اذا انت جبلى اقرا أولا ثم شارك برايك عن لجنه الجبلان من يدعمها
لجنة الجبلان التي اشهرت فى ملتقى الجبلان الاول من جميع الحضور ونالت ثقه الجميع تشكر على مجهوداتها تحتاج الى دعم من جميع الجبلان هذا اللجنه تحتاج الى دعم مادي حتى تستطيع ان تقوم بتطوير مهامها حيث لا يخفى عليكم احتياجات لجنه جديده تحتاج الى مقر تحتاج الى اجهزه تحتاج الى ورق حتى الدبوس تحتاج اليه .
لماذا لا تتبنون صندوق لدعم هذه اللجنه من جميع شرائح الجبلان حيث توضع به مبالغ ماليه حتى تشتغل الاستغلال الجيد واقترح عليكم مايلى :_ تجار واعيان الجبلان . التبرع النقدي باللجنه . الموضفين بالدوله . يا اخوان خلو اللجنه تشتغل صح مطالبنا ليست انتخابيه فقط نبي مقر (ديوانيه لعموم الجبلان ) نجتمع بها بمناسباتنا افراحنا احزاننا , عزايمنا , عروسنا . جم راح اتكلفكم الديوانيه ؟؟ 200 الف دينار انتم يا لجبلان اكثر من 8000 رجال وش فيها لوكل واحد قط اللى يقدر عليه وقال للجنه يا الله اشترو ارض وابنوا عليها مقر للجبلان . صدقونى بتكونوا قوه يحسب لها الف حساب وانتوا لا تزالون قوه بس التنظيم يجب ان يكون بدراسه وتمعن ودعم . لجنه تبونها تشتغل بدون مقر !!!!!!!! لجنه تبونها تشتغل بدون سيوله !!!!!!! ليش الكل داس راسه تبنوا الفكره انشروها بين عيال جبل وصدقونى راح تنجح بكل المقاييس . الان حديث الدواووين يبون يسوون ملتقيات الفخوذ الباجيه والقبائل بعد بس عندهم مشكله يقولون اذا سويينا الملتقى هل سينجح نفس ملتقى الجبلان . الكل يشارك ويضع تصوراته وربعن تعاونوا ماذلواا اللم انى بلغت اللهم فشهد |
ابو فلاح , ,
اشكرك على اهتمامك الطيب , , وانشالله الجبلان مافيهم بخيل , , ورأيك عين الصواب , , ومنتظرين باقي الاحداث .. .. .. |
كلام حلو يابو فلاح
زين اول شي واهم شي خلوا اللجنة تفتح حساب ويوزع على الجميع ويوضع هنا في المنتدى ويتم ايداع مبلغ 10 دنانير اومايعادلها للسعوديين هذا حسب الكلام اللي وصلني واذا عدد الموظفين صحيح20000 من اول شهر يبنون مقر ولا يحتاجون دعم من شخص معين . |
أبشركم قامت اللجنة المؤسسة بثلاث اجتماعات بعد الملتقى، بمعدل اجتماع كل أسبوع، والآن الجهد منصب لإقامة المبرة، التي من خلالها سوف يتم تنسيق الجهود والدعم وتشكيل اللجان.
وسوف نوافيكم باخبار اجتماعتنا دوريا. اللجنة المؤسسة |
د.عبدالمحسن
بما انك من اعضاء اللجنه المؤسسه وعضو في المنتدى .. اتمنى التنسيق مع ادارة المنتدى لفتح قسم خاص للجنة الجبلان ... حتى نرى في ذلك القسم اخبار اجتماعاتكم الدوريه ... ونرى بذلك القسم اقتراحات للجنة .. وبالتوفييق |
السلام عليكم ورحمة اللة وبركاتة
شكرا لصاحب الموضوع وهو موضوع مهم جدا من خلالة توضع التصورات والية التبرع من الاخوة وكل من لة راي يدلي بة وانا مع راي الاخ الأزلع والاخ محمد الجبلي ----اولا يتم وضع رقم حساب معتمد من قبل اللجنة يتم تحويل التبرع لة بداية من عشرة دنانير علي كل موظف وعلي المتبرع ان يزود اللجنة بصورة من وصل الحوالة البنكية وصورة للمنتدي تجمع هذة الوصولات بملف وتوضع بالمنتدي لأطلاع الاعضاء والزائرين فلابأس بذلك لتكون هناك شفافية ووضوح للجميع بكم النقد المتبرع بة من خلال صور الوصولات بعد التنسيق مع ادارة الموقع لتقوم بتكليف اي من الاعضاء بهذا العمل وهو امر بسيط جدا ولايحتاج الا لفاكس يوضع رقمة بالمنتدي ولدي اللجنة ويعلم فية الكافة --- فبهذة الطريقة نصبح امام عمل متقدم واضح للجميع ومراقب من الجميع --- دائما الأعمال الكبيرة تحتاج لرجال علي مستوي هذا العمل فلننظر للمصلحة العامة بعيدا عن الاهواء الشخصية فالعمل يخص الجميع لايسجل بأسم شخص دون اخر---- تمنياتي للجميع بالتوفيق ---- أخوكم ابومحمد |
أخي العزيز د.عبدالمحسن الزبن ..
أهلا وسهلا بجنابكم المكرم بمنتدى الجبلان الذي يزيده شرف إنتساب أمثالكم ولا شك من أن مشاركاتكم ومقترحاتكم وأخباركم طيبه دائما بإذن الله لما تتمتعون به من خلق وعلم ودين . وأعانكم الله على تحملكم أمانة تأسيس المبره والتي لاريب بأنها مهمه صعبه جدا .. ولكن نحن على ثقة على أن من أوكل لهم الأمر (أنت وإخوانك أعضاء اللجنه)هم أهلّ للتحدي .. ودمتم في حفظ الله ورعايته.. |
الاخ د \عبد المحسن الزبن المكرمين . اعانك الله مع اخوانك اللجنه على تحمل الامانه ياسيدي حنا نقول اول شي افتح التبرعات وسو مقر وهات الاجهزه اعمل احصائيه للجبلان جم عددهم احصل على عناوينهم وتلفوناتهم اللى نما الى علمنا ان الاوراق التى جمعه فى الملتقى لاتتعدد 750 ورقه يعنى هناك الكثير لم يسجل او لم يعرف عن الاجتماع :_
اعرف انك من الصالحين وتعمل بالمجال الخيري ولك خبره سابقه .لاينقصك التوجيه او الارشاد حيث انك من الرجال الذين يشيد بهم الدانى والقاصي ولا ابخص حق الاخوه الاعضاء الباقيين فمنهم النقابيون والدكاتره والمشهود لهم بنزاهه والاخلاق ياكتور العمليه ليست بالصعبه دواوين الجبلان معروفه خل الكل يبادر من الان انشروا مسج بين الجبلان للتبرع للجنه الجبلان الاتصال بالسيد وحط تلفوناتكم وابدا من الان وخطوه المليون تبدا من الميل وبعدين الله يعينكم من العارضيه الى الفروانيه الى السالميه واخيرا للجهراء شنوا اجهاد هو اذا عزمت بستعن بالله والكل خلفكم ويدعمكم والله اسئل لنا ولكم التوفيق والسداد .... على فكره اللجنه مزكيه من الجبلان جميعا اي ماعليها تحفظ يعنى حط رجلك يادكتور مع ربعك والله يعينكم على تحملل الامانه |
لايفوتني شكر الاخوة ومن ثم
يفترض ان يوضع أرقام تلفونات الاعضاء الذين تمت تزكيتهم باللجنة وخصوصا رقم رئيس اللجنة العميد دكتور مفلح محمد الصعيد وهو رجل اكاديمي عريق لابد ان يتواصل مع المنتدي مع العلم بأني قرأت اسم احد ابنائة عضوبالمنتدي محمد الصعيد فعلية المساعدة بذلك 0 |
فعلا للتواصل يجب ان توضع الارقام وفى مكان بارزبالمنتدي
|
حيالله الدكتور عبدالمحسن ومع الاخوان حطوا ارقامكم للتواصل
وثانياً يابو فلاح ما اظن فيه جبلي مايدري عن اللي صاير الا اللي ماوده ؟!! وثالثاً مايحتاج تصوير حولات وفتح ملفات مالها داعي كل السالفه مر البنك وسو تحويل مجدول للحساب دايركت يتحول المبلغ مثله مثل القسط واذا احتجت او احتاجت اللجنة تسوي كشف حساب وانتهى الموضوع. |
بسم الله الرحمن الرحيم
تحية طيبة وبعد ،،، شكرا لكل من عقب على اللجنة المنظمة الموقره من اخواني اعضاء المنتدى ، اول يا اخوان الاعزاء حدث العاقل بما يعقل 1 _ ليس من المعقول ان لجنة الجبلان ترسل رسائل عبر الجوال لى 7000 جبلي هذي بحد ذاتها تكلفه على اعضاء اللجنة اذا كان سعر الرساله الواحده 20 فلس 2 _ من الصعب تبرع اعيان القبيلة وتجارها ولا احد يحرك ساكنا من اللجنة الموقره 3 _ من المفروض ان اللجنة الموقره تاتي اعيان القبيله وتجارها وتطلب التبرع وهذا ليس بعيب او محرم شرعيين 4 _ يجب جمع اسماء وعناوين وارقام الجبلان وهذا من مسؤوليات اللجنة وختامن اشكر اللاخ العزيز / سالم هزاع القريني على تبرعة للجنة وشكرا اخر للأخ العزيز / طرقي سعود المسيب على تبرعة للجنة وشكرا لكم على تحملكم لي وارجو ان يكون طرحي بناء وشكرا اخوكم / فلاح الجبلي |
صباحكم أخوة
يأخوان / أشوف كل مايخص اللجنة وخططها لجبلان الكويت وين الربع بالسعودية نحتاج إلى لجنة مماثلة ويكون هناك تعاون بين اللجان في الدولتين غالبية العوائل متواصلة اللي بالكويت لهم عوائل بالسعودية والعكس امل من الأخوان التعليق وعدم فهم استفساري بشكل خاطي وانا من هنا مستعد للتبرع وانتظر فقط رقم الحساب وان كان اللجنة موحدة لخدمة الطرفين انتظر التعليق من اخواني المسؤلين عن اللجنة عن الخطط المستقبلية لكلا الدولتين بن جغيثم ( محمد الرويضان) |
فلاح الحصيني
اللي شفناه في الملتقى ان اللجنة وزعت استمارة تعريفيه http://www.aljblan.net/vb/showthread.php?t=3408 وهذا لجمع ارقام وعناوين الجبلان .. اما بخصوص المسجات .. فميزانية اللجنة ( اذا التزموا الجبلان بالاستقطاع والتبرع لها ) بامكانها تحمل تكاليف المسجات ..خصوصا في مواقع على الانترنت .. يوصل سعر المسج 10 فلوس بن جغيثم مافي فرق بين جبلان الكويت وجبلان السعوديه ... واللجنة هدفها جمع الجبلان مو توزيعهم نصين ..سعودي وكويتي .. لكن في امور تخص الكويتيين ... مثل الانتخابات .. ماهو معقوله اللجنة تدخل السعوديين فيها .. اما الامور اللي مافيها فرق بين كويتي ولا سعودي فهي للجميع ... مثل الملتقيات والاجتماعات والمناسبات وغيرها من الامور العامه ؟؟ وبانتظار اللجنة .. |
العزيز محمد الجبلي وانا يخوك ماقلت ينقسمون انا قلت وشلون اللجنة اللي بالكويت تقدم خدمات للجبلان بالسعودية وضعت اقتراح تشكيل لجنة مساندة للي بالكويت تعمل بالسعودية ( لجنة ) او على لجنة الكويت تقديم اسلوب وألية عملها فيما يخص جبلان السعودية والاستعلام وطلب الفهم واجب لكل رجل عاقل ومدرك اتمنى ان تكون الصورة واضحة يابعد راسي واشكر لك حرصك |
انا اضم صوتي لبن جغيثم
وشكرااااااااااا |
ان معكم قلبن وقالباً المهم العزيمة الجاده يالله ابو فلاح
|
أنا أضم صوتي لبن جغيثم
|
وانا اقول مااااشالله عليكم
ويارب باجي افخاذ مطير يمشون ممشاكم وهذا اصلا الي لازم يصير من زمان عساكم عالقوه |
الله يجمعكم على خير وموده انشالله ,,,
عندي اقتراح يمكن يفيدكم وهذا الاقتراح مسوينا بني عمي الملاعبه وهي عباره عن قطيه كل موظف 10دنانير وتشكيل لجنه من الجماعه ونسلم لهم القطيه باليد , وبكل مناسبه نجتمع مثل العيد اول يوم عشا بصالة الهيفي رمضان بعد الفطور اول يوم ,حجاج الملاعبه نسوي لهم عشا وبالمناسبات اللي يبي يقصد ونحط كلمه دينيه وفرقه عرضه وبالنسبه للأفراح صارت عندنا بالمسجات والعزايم والعزا كلها بالمسجات والله يوفقنا وإياكم بما هو مفيد الملعبي |
طيب الي في السعودية
وش يسوون يجون للكويت عشان ايش مو لازم انه يكون في الكويت يكون في القرية او البلده الرئيسية للجبلان على العموم اتمنى التعاون بين الجبلان |
الله يصبحكم بالخير
مشكورين على المداخلات والطرح الراقى .................. دمتم لاتعليق |
اشكرك على اهتمامك الطيب
وانشالله الجبلان مافيهم بخيل |
تسلم ومشكور وعساك للقوه
|
باجر يثبث كل شي
|
| الساعة الآن 07:53 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
