|
هجيج الأبل للشيخ منديل بن لامي
تم إلغاء السباق!!!
|
مشكور يافهد السالم
بس عطنا معلومـات لجنة التحكيم وغيرها وماقصرت |
لم تصلني بعد.. معلومات عن اللجنه..
إن شاء الله إذا توفرت أي معلومه جديده راح أضيفها للموضوع.. حياك الله يا راعي الوضحا |
مشكور وماقصرت يا فهد
وعساك علي القوه واسامي الاجنه عن قريب ان شاء الله |
ولا عليكم امر نبيكم تصورون فيديو وتنزلونه بالمنتدى
مانقدر نجي < دوامات :) |
العفو أخوي فواز حياك الله |
هلا فيك يابدر إن شاء الله راح أكون متواجد :) في السباق و نبي نصور كل شئ.. ونحطه في المنتدى.. بالتوفيق.. |
انا اول المصورين
هههههههههههههههههههههه |
انشاللله اكون
من اول الحاضرين وبالتوفيق للجميع |
لاهنت يافهد ..
وبيض الله وجهك . . |
الله لا يهينكم جميعاً على المرور..... :)
|
انا جايبلكم خبر مو زين بس هو عن الهجيج
امس وصلت برقيه لمارت اللصافه من الامير مشعل بن عبد العزيز ان تم الغاء السباق والسلام عليكم ورحمت الله وبركاته |
الكلام صحيح الي قاله اخوي ولد الجبلان وصلت البرقيه الغاء هجيج ولا مانع من المزاين وتم الغاء الهجيج وشكرا لكم |
حصل خير..
.. . ما قصر منديل بن لامي كفى ووفى ..رايته بيضاء خيره إن شاء الله |
وصلة برقيه لإمارة اللصافه من الامير مشعل بن عبد العزيز والامير محمد بن فهد لإلغاء السباق وبيض الله وجه منديل رايته بيضه حب ان يجمع ربعه على العلوم الغانمه (لكن ماكل مايتمناه المرء يدركه) |
وفي هذي المناسبه
ألقى الشاعر المبدع \ نايف ابوطفره قصيده باعنوان (ماتلحقك شرهه عليٍِِِِِِ الحرامي) تنشر لك البيضا على روس الاشهاد يابن الرجال الطيبين الكرامي سعيت فالماجوب ياقرم الاولاد وقديت درب الغانمه يابن لامي ابريه تثنيلك مع الاد عباد وعلوى وشوخ مطير شرقن وشامي الطيب لك يامعرب الجد ينقاد على الطويله ياطويل الموامي من ماكرن لاخيش الجول هداد ماينتج الا الفارسي والقطامي سويتلك باطيب مصدر وميراد وحطيتلك مجلس وقدر ومقامي قدحت يامنديل من زند الاجداد وبنيت قصرن مايجيه الهدامي اجهت لجل امطير والحظ ماجاد ياشوق من خده زهاه الوشامي مايلحق بالهرج حاسد ونقاد ولاتلحقك شرهه علي الحرامي هدفك جمع مطير بافراح وعياد وشوفت دبشهم كاتفن كانعامي امن الصطر طياحهم يرجد ارجاد على شرا السوبان زين الاسامي شعلن وشقح وصفر واجواز وافراد والجو فيه من الرعايا عسامي ماتسمع الا اقهر مع ضحك واعناد وصكت على الويت اسنادن احيامي وتفرقوا عقب الاناسات الاجواد على هوى الحايل وعجفا سنامي احدن على جو الصفى سند اسناد واحدن يبا ساقان وهاك العدامي واحدن طياحه من الدكاكه لزياد وراشد يقول الثور قبل الضلامي قضيت عامك يابو فواز باجهاد واتعبت نفسك في نهار الصيامي لكن عساها خيرتن يابن الاسياد وجوايزك تبقى علينا وسامي اليا سلمت ودمت من كل حساد هذا قرا حج يالكبود الضواني الوضع واضح والسوالف لها ابعاد ولاعاد ينفع يابن لامي كلامي هذا يميلها على الضلع من غاد وهذايدربيها على كل هامي المشكله مابين زارع وحصاد والسوس ينخر في صليب العضامي والعلم له ناقل وسامع ونشاد وعساك سالم ياوريث الحشامي |
صح السان نايف ابو طفره
ومشكور وماقصرت وعساك علي القوه ابو بندر |
بيض الله وجه ابن لامي
وعسى فالأمــر خيــره |
لاهنت يابو بندر على نقل القصيده وصح لسان الشاعر نايف ابو طفره ودائما مبدع ابو عزيّز00 ويستاهل المدح ابو فواز |
| الساعة الآن 03:45 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
