بسم الله الرحمن الرحيم

السلام عليكم ورحمة الله وبركاته

اللهم صل على محمد وعلى آله وصحبه أجمعين..وبعد التحيه..

شلونكم شخباركم اخواني واخواتي اعضاء منتدى الجبلان

اليوم جبت لكم

قصيدة بأسم ( سيرة الحب ) ..للشاعر المتألق ..عبدالكريم البتال الجبلي المطيري

كف الحكي عن سيرة الحب ياعناد
اليا طرالك تالي الليل طاري

ماني على خبرك للاشواق قصاد
اعلنت من عقب الموادع قراري

القلب بيت الجرح وضلوعه ضماد
ماني بحاجة لاجل ارد اعتباري

والا المشاعر فيهن رخوم واجواد
لاجيت ابسترهن يجنك عواري

مديت ايديني للمواصل ولا فاد
وأغلقت عيني لين شفت انكساري

انا ادري انه للمسايير نشاد
لا يحسبني ماني بعنه داري

وكانه يابو باسل نوى البعد وشعاد
ماني معه في سوق بايع وشاري

الموت بعيون الرياجيل ميلاد
والمجد له بالوقت كاتب وقاري

عمر الهوى ماعمر قلوب وبلاد
والا من الي يستفيد بدماري

حتى لو انه يلبس ثيابن اجداد
البغض بنفوس البشر له مواري

خلصت منه وخاطري طاب ياعناد
اقبل تحياتي ورد اعتذاري

صـــــح بـــدكـــم جمــيعــآ

ولاهنتم على مرور الطيب

والكلام الجميل والرائعه

وشكرا لكم من..

بدر الجبلي .. مقلدي وربي الله..ابوعبدالرحمن(نجاح المساعيد)..دمعه ناقه(نهى نبيل)

اخوكم الخيال

صح لسان ابوهادي

ولاهنت على قصيده الطيبه

اخوك نواف الهيت

صح بدنكم ولاهنت على الردود الحلوه

واشكركم على مرور الطيب
اخوكم الخيال